Toqumik kinguneqartumik ajutoorneq: Inuit marluk mianersuaalliorluni toqutsisimasutut unnerluutigineqartut

Umiatsiaq sukkasuuliaq sapaatiummat unnuakkut Nuup Sermitsiallu akornnani ajutoorpoq.

Politiinit isumaqartoqarpoq, umiatsiaq sukkasuupilussuarmik ingerlalluni sikuminermut aporsimassasoq. Ilaasut imaanut nakkaasimapput, inullu ataaseq ajunaarluni.

Kalaallit Nunaanni Politiit sapaatiummat ualikkut Sermitsiaq.AG-mut ilisimatitsissutigaat, ajunaartoq arnaasoq inuussuttoq.

Umiatsiami sukkasuuliami inuit arfineq-marluusimapput. Aannattut arfinillit napparsimmavimmut unitsinneqarsimallutik.

Umiatsiamik kina aqussimanersoq paasineqanngitsoq

Pigaartut pisortaata Carl Sværdip oqaluttuaraa, inuit annaanneqarsimasut ajoquseqqanerat annilaarsimanerallu pissutigalugit, kina umiatsiamik aqussimanersoq erseqqissumik paasineqanngitsoq.

Politiit taamaammat inunnit annaanneqartunit marluk, umitsiamik aqussimasorineqartut misissugassanik aaversissimavaat. Imigassartorsimallutik angalasimasutut pasillerneqarput.

- Inuit taakku marluk imigassartorsimallutik umiatsiamik aqutsinermikkut, mianersuaalliortumik toqutsisimasutut inunnillu ulorianartorsiortitsisimasutut unnerluutigineqarput, Carl Sværd oqarpoq

Misissuinreup ingerlateqqinneqarneratigut taakkunaannga kina umiatsiamik aquttuusimanersoq paasineqassaaq.

Politiit unnuaq marlut qaangilaaraa, ajutoornermi inuit imaanut nakkaasimasut ilaannit nalunaarfigineqarsimapput. Nalunaaruteqartoq sikuminermut qaqisinnaasimavoq, politiinullu ikiortissarsiorluni sianersimalluni.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...