Skip to main content

Toqoraavinnut nukissiornermut akikillisaasoqassanngilaq

Inatsisartuni ullumi ataatsimiinnermi toqoraaviit innaallagissamut imermullu akikinnerusumik akiliisalernissaannut siunnersuut itigartinneqassagunarpoq

Nunami toqoraaviit Nukissiorfinnut innaallagissamut imermullu 41,5 procentiinnarmik akiliisalernissaannik siunnersuut itigartitsissutaaniarpasippoq.

Suliffeqarfiit Neqi A/S Narsamiittoq aamma Lilleholm ApS Maniitsumiittoq, siunnersuummit iluaquserneqartussaagaluarput, nunami aalisakkanut tunisassiorfiit assinganik akiliisalernissaannik siunnersuut kinguneqartussaammat.

Siunnersuut siullermik Suka K. Frederiksenimit (S) saqqummiunneqaraluarpoq, naalakkersuisunngorneratali kingorna Jens Immanuelsenimit (S) siunnersuutigitinneqalerpoq.

Atuaruk: Siumumi politikeri toqoraavinnut akikillilerusiiniarpoq

Inuussutissanik tunisassiortunut tamanut akikillisaaneq
Sanaartornermut ataatsimiititaliap isumaqatigiittup tamanna isumassarsiatsialaannginnerarpaa. Taarsiullugu ataatsimiititaliap Naalakkersuisunit allannguutissatut siunnersuut taperserpaa, taassuma inuussutissanik tunisassiortut tamaasa nukissiornermut akikillisaavigitittalissavai.

Naalakkersuisut aappagu ukiaanerani ataatsimiinnermi kingusinnerpaamik siunnersuummik saqqummiussissapput, suliffeqarfiit inuussutissanik tunisassiortut imaluunniit suliarinnittartut nunami aalisakkanik tunisassiorfittut qanoq akiliisalersinnaanerat pillugu.

Ataatsimiititaliap isumaqatigiinnerata ullumi Inatsisartuni suliarineqarnerani sunniuteqarnissaa naatsorsuutigineqarsinnaavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER