Skip to main content

Toqoraasutut pasineqartoq eqqartuussivimmi imminut illersorniarpoq

28-nik ukiulik Brenton Tarrantip, New Zealandimi inunnik 50-nik toqutsisimasutut pasineqartup, eqqartuussissuserisuni soraarsippaa.

New Zealandimi toqoraanermut pasineqartoq eqqartuussivimmi imminut illersorniarpoq.

Aviisi New Zealand Herald ataasinngornermi taama allaaserisaqarpoq.

Australiamiup 28-nik ukiullip Brenton Tarrantip eqqartuussissuserisuni arfininngornermi soraarsippaa. Akerlianik nammineq eqqartuunneqarnermini imminut illersorniarpoq.

Aviisip allaaserinninnera naapertorlugu, taamatut aalajangerneq Tarrantip eqqartuunneqarnermini isummaminik saqqummiussinissaa ernummatigineqarpoq.

Aallaasersorluni toqoraaneq tallimanngornermi moskéni marlunni New Zealandimi Christchuchimi pivoq. Tassani inuit 50-t toqunneqarput, amerlasuullu ikilerneqarlutik.

Pasineqartoq saassussinerup kinguninngua tigusarineqarpoq.

Tarrant tarnimigut napparsimasutut pissuseqanngitsoq, eqqartuussissuserisup soraarsinneqartup oqaatigaa.

- Ingasattajaartunik isummersuuteqarnermi saniatigut tarnimigut unammilligassanik napparsimarpasinngilaq imaluunniit eqqarsartaatsimigut innarluuteqarpasinngilaq.

- Ersarissumik pissuseqarpoq, naak pissusilersornera silaqassutsiminut naleqqutinngikkaluartoq, Richard Peters saassussinermut innersuussilluni taama oqarpoq.

Australiamiu 28-nik ukiulik toqutsisutut unnerluunneqarpoq. Suliami unnerluussutit arlallit saqqummiunneqarnissaat naatsorsuutigineqarpoq.

Christchurchimi eqqartuussisup Tarrant, eqqartuusseqqinnissap tungaanut apriilip tallimaata tungaanut paarnaarussassanngortippaa.

Richard Petersip oqarnera naapertorlugu Tarrant suliamut atatillugu peqqissuimissuteqarsimanngilaq. Kisianni Tarrantip oqaloqatiginerani tassungarpiaq tunngasunik oqaloqatigiissuteqanngitsut naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER