Toortakkamik toorsinermi siullermi asannilerneq
- Akunnakusoornartorujussuaq, kisianni inequnnartorujussuaq. Paarnaq Poulsenip arnaata Andersilu aappariilersippai. Tamanna Facebookikkut pivoq.
Aappartaarnissamut tunngasunut angajoqqaat akuliuttarnerat ikinnerpaat akuerisarunarpaat. Kisianni tamanna Paarnaq Poulsenimut pivoq, taanna Aarhusimiissimavoq, inissisimaninilu qatsulluinnaqqallugu.
Aviisi AG taama allappoq.
Aarhusimi VIA University Collegemi bioanalytikeritut ilinniarusulluinnakkamiini ilinniartutut aallarteqqammerluni eqqunngitsumik inissisimasutut misigisimavoq. Ilinniarnini eqqunngitsumik inissisimaffittut misigiffiunngilaq.
Aarhusili sungiukkuminaatsippaa.
- Angerlarsertorujussuuvunga, ilagisaqartanngilangalu. Ataqatigiitsissinnaanngivippakka. Ilinniarnera ajunngilaq, ilinniarusuppungalu, kisianni ikinnguteqarneq aamma peqateqarsinnaaneq uannut pingaaruteqarpoq, Paarnaq Poulsen oqarpoq.
Taava muminganik pisoqariasaarpoq.
- Anaanaga tallimanngornermi unnukkut sianerpoq, oqarlunilu:
»Nuannarigunakkannik nalunngisaqarpunga, Messengerikkut attaveqarfigisinnaaviuk, Facebookimi kammagiilerniassaasi? Taava Facetimersinnaavusi.«
- Akunnattorujussuuvoq, tassami immitsinnut ilisarisimanngilagut, Paarnap Poulsen oqaluttuarpoq, anaanami kaammattuinera malillugu spiiserluni taanna Anders attaveqarfigaa.
Aviisimi AG-mi atuarnerusinnaavutit. Aviisi uani pissarsiariuk: