Tomba danskit tusarnaagassiaanni nuannarineqarluartoq

Johansinnguaq Rosing, Tomba danskit erinnat tusarnaarneqarnerpaat naatsorsuiffianni nunarsuarmi tusaamasaasut Ed Sheeran aamma Justin Bieber qaangerlugu tusarnaarneqarnerpaatut ulluni makkunani inissisimavoq.

Tomba danskit erinnat tusarnaarneqarnerpaat tulleriiaarneqarnerini nuannarineqarnerpaanut ilaavoq.

Erinarsortartoq nipilersortartorlu Tomba, Johansinnguaq Rosingip saqqummersitai marluk, Gimuth Avdlamud aamma Naluara Nalunerit, nunarsuarmi tusaamasaanerusut Ed Sheeran aamma Justin Bieber qaangerlugu tusarnaarneqarnerpaatut inissisimapput.

Nutaarsiassaqartitsivik Politiken.dk allappoq Tombap saqqummersitai nr. 3-tut aamma nr. 8-tut sapaatip akunnerani matumani inissisimasut.

Johansinnguaq Rosing 21. juli 2022 sivikitsumik napparsimareerluni toquvoq. Toqunnginnermini Tomba tusarnaartitseqqittalerpoq, siornalu kujataani tusarnaartitsiartortarluni angalalluni. Nuummi ukioq manna Nilak Festivalimi Kodamiit 2005-imi nersornaatisiani tiguaa.

Johansinnguaq Rosing 38-nik ukioqarluni toquvoq.

Taassuma saqqummersitai iTunesimi saqqummersinneqaqqammerput, iluanaarutillu tamarmik ilaqutaanut tunniunneqartussaallutik.

Powered by Labrador CMS