Skip to main content

Tivoli kalaallinut ammaqqinneqartoq

Kalaallit Nunaat Tivolimi, siorna corona pissutigalugu aaqqissuussisoqarsimanngerersoq juulip 31-ani aggustillu aallaqqaataani ammaqqinneqarpat nuannisartoqartussanngorpoq.

Tivolimi ukioq ataaseq kalaallit katersuutsinneqanngereersut, maanna kalaallit nipilersortartut Plænenimi nipilersungarsuarnik tivanermillu aliikkusersuineranni kalaallit qungujulasut takussaaqqilerlutillu imminnut naapeqqinnerminni nuannisarsinnaaleqqipput.

Ukiut qulikkuutaat sisamat ingerlaneranni ilaqutariit, ikinngutigiit ilisarisimasaqatigiillu Købernhavnimiittumi Tivolimi ukiumut ataasiarlutik kalaallit nipilersuutaannik kulturiannillu nuannisaqatigiinniarlutik naapeqatigiittarput.

Pisartorlu tamanna pingaaruteqartupilussuuvoq, Kalaallit Nunaat Tivolimi pillugu aqutsisartut siulittaasuat Kim Falck-Petersen oqaluttuarpoq.

- Aaqqissuussamik taamak nuannertigisumik, kalaallit maani najugaqartut nunaqqatitik peqatigalugit kalaallit kulturiannik nalliussinissamut periarfissaqarfigisaannik, aammali danskit kulturimik inunnillu ukiorpassuarni Naalagaaffeqatigisimasaminnik paasisaqarneruffigisartagaannik aaqqissuussisinnaanerput, kalaaliullunga tulluussimaarutigilluinnarpara, taanna oqarpoq.

Kalaallit Danmarkimiittut katersuutsinneqartartut

Plænenimi aliikkusersuinissarpassuit saniatigut pisiniarfeqassaaq, tassani kalaallit pinnersaasiaat, atisaliaat eqqumiitsuliaallu pisiarineqarsinnaassallutik.

Tivolimit ukiorpassuarni ileqquliunneqarsimasoq qilanaarineqarpoq. Kalaallit Nunaat Tivolimi ingerlanneqaqqilerpat takkuttartutoqqat nutaallu kalaallit kulturiannik immikkut ittumik misigisaqarsinnaassaapput.

Aaqqissuussaq kalaallinit Danmarkimi najugaqartunit ornigarluarneqartarpoq, taakku ikinngutitoqqamik ilisarisimasamillu naapinnissaannut aaqqissuussaq atortarpaat, peqatigiillutillu kalaallit nipilersuutaannik kulturiannillu misigisaqaqqittarlutik.

Ulluni marlunni taamatut nuannisaqatigiinnissaq nalunaaqutaq ualikkut marlunut aallartittassaaq, arfininngornermilu ulloq naggaserlugu qummoroortartoqassalluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER