Skip to main content

Tine Pars qujamasulluni inuulluaqqusivoq

Tallimanngormat Tine Parsip rektoritut atisani Ilisimatusarfimmut utertippai. Assigiinngitsorpassuit nuannaarutigai, nuannaarutiginerpaavaalu inuusuttut ilisimatusarnermut samminerulersimanerat.

Tulluusimaarutima annerit ilagaat ph.d-mut tunngasunik ineriartortitsisoqarsimanera. Ilisimatusarfimmi ph.d.-liamik 2009-mi illersuisoqaqqaarneraniilli qulingiluassaa gradimik tunniussisoqarpoq, massakkorpiarlu ph.d.-nngorniarumallutik aqqanillit allatsissimapput. Ilisimatuunngorniarneq soqutigineqaraluttuinnarpoq, tamannalu nuannaarutissaavoq Kalaallit Nunatsinnut ingammillu Ilisimatusarfimmut, ilinniartitsisunik ilisimatuunillu atorfinitsitsinissamut soqutiginninnermut tunngavissaqarluarmat, Tine Pars, ilassinninnermi inunnik orningarneqarluarsimasumik inuulluaqqusilluni oqarpoq. 

Ilinniarunnaartartut amerlanerujussuat

Tine Pars 2009-miik rektoriusoq, ilinniartut ilinniakkaminnik unitsitsiinnartarnerata annertunerujussua nassuerutigaa. Ilinnialertartummi affangajaat uniinnartarput. Taamaammat iliuuseqarnissannut atatillugu aqutsisoqatigiinnut siunnersuutigaara “oqaasileriffimmik” pilersitsisoqarnissaa, tassanngaanniillu ilinniartut oqaatsinik piginnaasaannik ikorfartorneqartassapput ilinniartitsisullu oqaatsit qitiutinneqarnerisa annertusarnissaannut akulerutsinneqarlutik.

Rektoriinerma nalaani ilinniartitaanerit amerlisimapput sulilu ilaartorneqassallutik, Tine Pars ersersaavoq.

- Anguniagaq imaappoq, 2018-imi pinngortitalerinermik ilisimatusarnermik ilinniartitaaneq aallartissalluni, neriuutigaarpullu pisortat suliffeqarfiini ingerlatsinermut tunngasumik inatsisilerituunngorniarneq piaartumik aallartikkumaartoq. Ilinniartitaanerit pineqartut marluk piviusorsiortumik pilersaarusiorneqarput ineriartortinneqarnerinilu malinnaanissaminut assut qilanaarluni, Tina Pars paasissutissiivoq. Tine Pars ataasinngorpat Peqqissutsimut Naalakkersuisoqarfimmi pisortanngussaaq.

Atuaruk: Tina Pars atorfittaarnermi kingorna: Piffissanngortoq

Inuusuttut amerliartortut ilinniarnerminnut atatillugu nunanut allanut angalasarnerat, Tine Parsip nuannaarutigaa.

Paarlaaqatigiillutik ilinniartut 50-it

Ukiumut ataasiakkaanginnarnik paarlaaqateqarlutik ilinniartuuteqartareerlutik, ullummikkut ukiumut 50-it missaani nunanut allanut angalarput. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER