Skip to main content

Timmissat nuuttartut ulluat: Appat atugaat pitsaanerusinnaapput

Ullumi tassaavoq World Migratory Bird Day, tassa Nunarsuarmi timmissat nuuttartunut ulloritinneqartoq. Ulloq atorlugu timmissat nuuttartut pillugit paasititsiniaasoqarnerani, piniarnermut Naalakkersuisup appat nunatsinni qanoq innerat pillugu paasissutissiivoq.

Nunatsinni appat atugarissaarnerpaanngillat. Tassami appat 2009-mili aqunneqarneruleraluartut suli amerliartunngillat.

Aalisarnermut  piniarnermullu Naalakkersuisup nunarsuarmi timmissat nuuttartut ulluat atorluarlugu appat nunatsinni qanoq inissisimanersut pillugit paasissutissanik saqqummiivoq. Ulloritinneqartoq timmissat nuuttartut atugaat pillugit paasititsiniutitut atorneqartarpoq.

- Naak aqutsineq 2009-mili sakkortusineqaraluartoq Kalaallit Nunaanni appap
inissisimanera suli ajorsiartorpoq. Appat amerlassusaat suli kinguariartungaatsiartut
paasineqarpoq, timmissat ineqarfii sinneruttut amerlanerit ikiliartorfiullutik.
Paasissutissat amerlasuut tunngavigalugit ikiliartornerat silap allanngoriartorneranik
pissuteqartoq paasineqarpoq annertuumilli piniagaanerat massumunnga
pissuteqarportaaq., lyder det fra Aqqaluaq Biilmann Egede i en pressemeddelelse.

Appat kinguaassiortarnerat kigaappoq, taamaattumik siunnersuinerit aqutsinerillu pingaaruteqarluinnarput piujuaannartitsineq eqqarsaatigalugu piniartoqassappat, erseqqissarneqarpoq.

Nunat tamalaanik suleqateqarsinnaaneq

Pinngortitaleriffimmit uumassusilerisut aappat piaqqiornerat qanimut malinnaavigisarpaat. Aalisarnermut piniarnermullu naalakkersuisoqarfik ilisimatitsivoq nunatsinni appat 1990-miilli 15 procentimik ikileriarsimasut. Ikinnerusuni ikilinerpaasimasut tassaapput Upernavip kujataaniittut, Qeqertarsuup tunuaniittut Kujataaniittut Ittoqqortoormiillu eqqaanittut, taakkulu 1990-ip missaanili 64-74%-imik ikileriarsimallutik.

- Atlantikup avannaani nunat Kalaallit Nunaata appanik avitseqatigisai Naalakkersuisutulli ernumassuteqarput. Taamaattumik Naalakkersuisoqarfik nunanik sanilerisanik ataatsimeeqatigiinneq tapersersimavaa, taakku nunat appanik avitseqatigisagut aalajangersimasunik aqutseqatigiinnissamut isumaqatigiissummik pilersitsiniartut suleqataaffiginiarlugu. Taamaaliornikkut aqutsinissamut isumaqatigiissusiornissaq tunngavissaqarnersoq nalilersorneqassammat, Aqqaluaq Biilmann Egede ilisimatitsivoq nangillunilu.

- Nunarsuarmi Timmissanut Nuuttartunut Ullorititaq - World Migratory Bird Day 2021-imut aamma Kalaallit Nunaanni appap inissisimaneranut atatillugu ataatsimoorluta appa paarilluarsinnaavarput akisussaaffimmillu avitseqatigiilluta, assersuutigalugu appap piniarneqartarneratigut mianersuussinissaq taamaaliornikkullu appap piujuarnissaa qulakkeerlugu.

Nunarsuarmi timmissat nuuttartunut ulloritinneqartarput 8. maj aamma 9. oktober.

figur fra Grønlands Naturinstitut viser placeringen de eksisterende 20 lomviekolonier i Grønland samt den nuværende bestandsstørrelse (2017, optalte individer) opgjort i forskellige delområder. Bestandsændringer (%) i perioden 1990 – 2017 er opgivet for d
Naturinstituttet
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER