Timmisatukkut angallassinissat suli unitsiinnarneqartarlutillu kinguaattoorfiusut
Ukioq 2020 Air Greenlandimut minnerunngitsumillu angalaniartunut ajorluinnartumik aallartippoq. Sisamanngormat timmisartuussinissat tamarmik unitsiinnarneqarput, ullumikkullu piffissaq eqqorlugu angallassiniarneq ajornartorsiutaalluni.
Annonse
Timmisartut marluk Nuummiit ullumikkut aallartussaagaluartut unitsiinnarneqareerput, Timmisartulli aappaluttut Dashit aallarsinnaasimapput, pilersaarutaasutulli piffissaliussat malinngagit, Air Greenlandip nittartagaani allassimavoq.
Angalaniartut ullumikkut aallarfissat Air Greenlandip nittartagaatigut malinnaaffigisinnaavaat: ugguuna takukkit.
Bussit ingerlaartut
Nuummi bussit ippassaq unnukkut anorlerpallaarnera, nittaappallaarnera perserpallaarneralu pissutigalugit sila ersernerlummat ingerlaarunnaarput. Bussilli tallimannornermi ullaaq manna nalinginnaasumik ingerlaarput.