Skip to main content

Timmisartuussinissat sapaammi ullaap tungaanut kinguartinneqarput

Nuummi silarlunnera suli akornusersuivoq

Arctic Winter Gamesimi peqataasussarpassuit, Kangerlussuarmiit Nuummukartussat, suli naammagittartariaqarput nunaqarfimmilu unnuillutik. Taamatut paasissutissiivoq Kangerlussuarmi Mittarfeqarfiit.

Nuummi suli silarluppoq anorlerluni apillunilu, tamannalu timmisartuussinermik akornusersuivoq.

11.20 aallartissaaq

– Pilersaarutit malillugit timmisartuussineq siulleq pissaaq sapaammi nalunaaqutaq 11.20. Tamatuma kingorna unnuaq tikillugu immaqaluunniit ataasinngornikkut ullaap tungaanut timmisartuussisoqaqattaassaaq, Kangerlussuarmi mittarfiup pisortaa Rita Müller paasissutissiivoq.

Kinguaattoornerit arfininngormat unnukkut Arctic Winter Gamesimi assistant to General Manager Arnakkuluk Jo Kleistimut uppernarsarneqarpoq.

Taamaasilluni nalunarunnaarpoq peqataasussat tamarmik sapaammi unnukkut ammaanersiornissamut anngussinnaanngitsut.

Angalasut 600-t

Maanakkorpiaq angalasut 600-t missaanniittut nunatsinni mittarfiit annersaanni ingerlaqqinnissaminnut utaqqipput. Naatsorsuutigineqarporlu sapaammi angalasut allat 440-t tikikkumaartut.

Ataaseq tikippoq

Arfininngormat ualikkut Air Greenland ataasiarluni Nuummut timmisartuussivoq sila pitsaanerulaaleraluarmat. Ilimananngilarli timmisartortitseqatigiiffik taamatut misileeqqissasoq, Air Greenlandip timmisartuusseqattaarnissaanut apeqqutaammat silap sivisunerusumik timmisartorfigiuminarnissaa.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER