kinguaattoornerit

Timmisartuussinerit ilaneqarnerisigut kinguaattoornerit aaqqiivigineqassapput

Kinguaattoornerit angummaffiginiarlugit Air Greenlandi timmisartumik immikkut attartorpoq.

Air Greenlandi Danish Air Transportip timmisartuutaasa ilaannik attartussalluni aalajangerpoq - timmisartoq ATR 42-320.

Tamanna sapaatit-akunnerini kingullerni ingerlatitseqatigiiffimmi kinguaattoorfioqisumi angummanniarluni taama pisoqarpoq.

Timmisartorli immikkut attartorneqartoq Nuuk – Kangerlussuaq - Nuuk, Nuuk – Keflavik – Nuuk aamma Nuuk – Narsarsuaq – Nuuk tapertaasussaq.

Air Greenlandimit angallassineq silap ajorneranik, teknikkikkut ajornartorsiuteqarnermik aamma ilaasussat kinguaattoortut apuuffissaannut apuutitinniarlugit immikkut timmisartuunneqarnissaannut pisariaqartinneqartumut inuttassanik amigaateqarnermik annertuumik eqqugaasimavoq.

Massakkut angallaffiunerpaap nalaani pingaartumik Avannaa isikkivilunnera pissutigalugu annertuumik eqqugaasimavoq, ilaasussat amerlasuut, allakkat aamma nassiussat kinguaattoornerannik kinguneqartumik. Illoqarfiit arlallit aamma ataatsikkut sivisunerusumik pujorlutillu appasissunik nuiaqarsimapput, taamaalilluni angallassinissamik pilersaarut malillugu ingerlatsinissaq ajornakusoorsimalluni.

Taamaattumik Air Greenlandi Danish Air Transportimi timmisartumik, inuttai ilanngullugit, attartussalluni aalajangerpoq. Timmisartoq qaammatini tulliuttuni marlunni timmisartuussitinneqassaaq.

Aamma atuakkit:

Ilulissani uiverneq

Ilulissani ullut qulit aallarneq ajuleqqasut: Nuanninngilaq

Powered by Labrador CMS