Arctic Winter Games
Timmisartuusseqattaarneq aallartippoq
Pilersaarutigineqartutut timmisartuusseqattaarnissami Dash 8 siulleq nalunaaqutaq 11.20 mippoq
Unnuaru nalunaaqutaq 3.25-p tungaanut AWG-mi peqataasussat 1059-it 31-eriarluni timmisartuussinikkut Kangerlussuarmit Nuummukaanneqassapput.
Ajoraluartumik kinguaattoornerit pissutigalugit peqataasussarpassuit ammaanersiorneq annaassavaat.
Team Yamalimeersut saperngoqataasut qulit siulliullugit Kangerlussuarmit aallarunneqarput. Tamakkua timmisartumut nalinginnarmik timmisartuussisumut ilaapput.
Nuannaarput
Timmisartuusseqattaarnermi timmisartumut siullermut, 37-nik inissalimmut, pingaartumik futsalertartut Alaskameersut ilaatinneqarput.
Kangerlussuarmi peqataasussat nuannapput, timmisartorlu siulleq Nuummut missimasoq nalunaarutigineqarmat ersaattaattoqarpoq.
Inuusuttut timersortartut utaqqinertik assigiinngitsunut atorpaat - ilaat mittarfiup eqqaani angalaarput qaqqallu eqqaaniittut qaqillugit. Allat tikittarfimmi futsalerput.