Skip to main content

Timmisartup naalagaa aquttunngortinneqartoq

Dash 8-p Ilulissanut ukiup aallartinnerani minnermi kingorna mittarfiup sanianut nakkartup nalaagaa ajutoornerup kingorna aquttunngortinneqarpoq

Ajutoortoqarsimatillugu misissuisartut timmisartup Dash 8-p Ilulissanut januaarimi minnermi kinguninngua mittarfiup sinaanut nakkarnera misissuiffigereerlugu naliliipput, mittarfiup sinaanut nakkarneq timmisartortartut kukkunerannik patsiseqartoq.

Dash 8-mimi timmisartumik ingerlatitsisut, Ilulissanilu mittarfiup sinaanut ukiup aallartilaarnerani sisoorlutik nakkartut, minnissartik ima siunniussimatigivaat allaat Air Greenlandip silarluttumi anorlersumilu sillimaniarnermut maleruaqqusai tunulliussimallugit.

Atuaruk: Misissuisartut: Timmisartortartut kukkuluttornerat pissutaalluni Ilulissani ajutoortoqarpoq

Animationi takuuk: Ilulissani ima timmisartumik ajutoortoqarpoq

- Timmisartup naalagaata Ilulissani pisoq nalilernerlussimavaa aalajangiinerlussimallunilu. Kisianni aamma sulisutsialaavoq aquttuulluartarlunilu. Taamaammat aalajangersimavugut siunissami aquttutut sulilissasoq, Air Greenlandimi timmisartornermut pisortaq, Jacob Nitter Sørensen, Sermitsiaq.AG-mut taama oqarpoq.

Ajutoortoqarsimatillugu misissuisartut misissuinerminni aamma maluginiarsimavaat timmisartortartut minnissartik kisiat siunniussimagaat, minniarnerminnillu unitsitsiinnarnissaminnut eqqarsaasersorsimanngitsut.

Tamannarpiarlu pissutigalugu aamma Air Greenlandimit timmisartuusani sungiusaatini mikkiartortarnermut tunngasumi aalajallaarani mikkiartortarnissamut tunngasut eqqumaffiginerulersimavaat.

- Mikkiartornermi sukkassusissaq qutsissusissarlu eqqortoq piffissami pineqartumi atorneqartarnissaa eqqumaffiginerulerparput, Jacob Nitter Sørensen Sermitsiaq.AG-mut oqarpoq.

Takukkit: Timmisartup Dash 8-p ajutooreernerata kingorna assilineqartut

Air Greenlandip timmisartua Dash 8-eq mittarfiup sinaanut nakkarpoq mittarfiup saneraanit 39 knob angullugu anorlersoq. Kisianni Air Greenlandimit dash 8 suli tatigineqarpoq.

- Soorunami suna tamaat misissorparput. Timmisartoq misissorparput aamma Mittarfeqarfiit peqatigalugit mittarfiit misissorpagut. Tamatumalu kingorna nalilerparput Dash 8 timmisartutut nunatsinnut tulluuttoq, Air Greenlandip pisortaanera, Michael Højgaard, Sermitsiaq.AG-mut oqarpoq.

Timmisartup naalagaa aquttualu Ilulissani ajutooreernermik kingorna tarnip nakorsaanit nakorsamillu misissorneqarput, tamarmillu timmisartornissaminnut naleqquttutut nalilerneqarlutik.

Assit: Timmisartoq ajutoortoq aana

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER