takornarialerineq

Timmisartumik angalanerit akisuut Qaanaami takornariaqarneq ajornarsisippaat

Qaanaami nunaqarfiinilu misigisassarpassuaqaraluartoq taavunnarnissaq ajornarluinnangajappoq. Timmisartumik angalanerit akii qaffasilluinnarpoq. Politikerit maani avannaarsuaniittugut soqutiginngilaatigut Qaanaami akunnittarfiutilik inerniliivoq

Kalaallit Nunaanni illoqarfiit avannarlersaanni Qaanaami takornariaqarnermik ingerlatsisuuniarneq ajornakusoortuuvoq. Imaanngitsoq takornariagassat
amigaataammat, kisiannili timmisartumik angalanermut akit qaffasissorujussuummata. Inersimasumut Kangerlussuarmiit Qaanaamut utimullu timmisartorneq 15.-16.000 koruuninik akeqarpoq.

Akunnittarfiutillip Hans Jensenip oqarneratut, Qaanaaliarnissamit Thailandimut angalaneq akikinnerujussuuvoq.

- Maani suliaqarfiginerpaasartagarput marsimi, apriilimi maajimilu pisarpoq, inuit qimusseriarlutik maanga tikittarmata. Tamatuma saniatigut aasaanerani
kangerlummi umiatsiarnissamut qilalukkanillu qernertanik misigisaqarnissamut periarfissaqarpoq. Kisianni maanga takornariartartut ikittuararsuupput - aasaaneranilu takornariaqanngilluinnartarluni, aammami tamakkuninnga aaqqissuussisanngilagut. Maanga angalaniarneq akisuallaarujussuarpoq, Hotel Qaanaamik piginnittoq, Hans Jensen, oqalluttuarpoq.

Allaaserineqartoq Nuuk Ugeavisimi tamaat atuarneqarsinnaavoq. Nuummi pisut allat aviisimi aamma atuarneqarsinnaapput. Aviisi akeqanngitsumik ataani aaneqarsinnaavoq:

Powered by Labrador CMS