Skip to main content

Timmisartukkut angalasartut ikiliartortut

Kalaallit Nunaanni nunat allat timmisartoqarfiinit angalasimasut ukioq manna qaammatit qulit ingerlaneranni ikileriarsimapput, ukiumili matumani siusinnerusukkut missingiussaasimasutut amerlatiginngitsunik

Takornariartitsisartut nunanit allanit timmisartut aqqutigalugit immikkut ittumik takornariartoqarnerulersimanngillat. Naatsorsueqqissaartarfiup qaammatit qulit ingerlaneranni naatsorsuusiaata tamanut saqqummiunneqarsimasup tamanna takutippaa.

Ukiut arlallit ingerlaneranni ilaasartut amerliartorsimagaluartut ukioq manna ikiliartoqqilissannguatsiarput, ajornerusumillu pisoqassanngippat ukioq naappat takornariat ikileriarsimannginnissaat neriuutigineqarluni.

86-inik ikinnerusut

Januaarip qaammataaniit oktobarip qaammataa ilanngullugu nunat allat timmisartoqarfiinit arfiniliusunit ilaasut 76.559-it angalasimapput, tassa ukiup siulianut sanilliullugu 86-inik ikinnerusut, naatsorsueqqissaartarfik ilisimatitisivoq.

Timmisartunut attartukkanut nalinginnaasumillu angallassisartunut ilaasimasut 83.517-iupput, 2018-imi qaammatit qulit ingerlanerannut sanilliullugu ilaasut 469-inik ikileriarsimapput.

Ikileriarnerannut pissutaasinnaavoq, akikitsumik timmisartuussisartup WOW Airip ukiumi matumani siusinnerusukkut akiliisinnaajunnaarnera, tamatumami malitsigisaanik Islandimut takornariat ikinneerarsuusimapput, tamannuli Islandimit Kalaallit Nunaannut takornarianik ingerlatitseqqittarnermut sunniuteqarsimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER