Skip to main content

Timmisartuaqqamik Tunumi ujaasineq taamaatinneqarpoq

Timmisartuaqqamik DA40-mik ujaasineq taamaatinneqartoq Naviairimit nalunaarutigineqarpoq

Timmisartuaraq DA40 amerikarmiumit aquttorineqartumik ujaasineq septembarip aqqarnganni aallartinneqarpoq. Timmisartunik paasisitsisarfiup Naviairip annaassiniaatitsineq Kulusuup nalaani ingerlappaa. 

- Timmisartuaqqamik ujaasineq marlunngornerup unnukkuani taamaatiinnarneqassasoq aalajangerneqarpoq. Ujaasineq sisamanngornermi septembarip aqqarnganit marlunngornerup taarsinissaata tungaanut ingerlanneqarpoq angusaqarfiunngitsumik. Timmisartut sisamat qulimiguulillu ujaasipput, ajoraluartumilli timmisartuaraq nassaarinngitsoorpaat, Naviairip tusagassiuutinut ataqatigiissaarisua Camilla Hegnsborg Sermitsiaq.AGmut oqarpoq. 

Aquttoq amerikkarmiu
- Timmisartuaqqami aquttoq amerikkarmiuuvoq timmisartuararlu DA40-lluni. Ilaqutaasut nalunaarfigineqareerput, Camilla Hegnsborg oqarpoq. 

- Kulusuup eqqaani ujaasinermi sila ajornartorsiutigineqaqattaarpoq. Sila marlunngornermi allaaqqissivoq, ullaamit taarsinissaata tungaanut ujaasisoqarluni. Ujaasinerli ajoraluartumik angusaqarfiunngilaq, Naviairip tusagassiutinut ataqatigiissaarisua oqarpoq. 

- Soorunami timmisartuaqqami aquttoq nassaarerusussimagaluarparput, nalilersuisoqareersorli aalajangerneqarpoq ujaasineq unitsiinnarneqassasoq. Qularnarpoq timmisartuaqqami aquttup annassimanissaa, ullummi amerlasuut ujaarineqarpoq. Sapinngisagulli tamaasa atorlugit ujaasigaluarpugut, Camilla Hegnsborg oqarpoq. Ujaarleqataasut tamarmik nersualaarneqarput. 

Ujaasisut nersualaarneqarput
- Ujaaseqataasut tamarmik suliassartik sunaanersoq nalunngilaat. Pitsaanerusumik ujaasisoqarsinnaanngilaq, tusagassiuutinut ataqatigiissaarisoq oqarpoq.

Amerikami tusagassiuutit ilaata The Forum of Fargo-p allaaseraa 34-nik ukioqartoq Paul Eriksmoen timmisartuaqqami aquttuusoq. Paul Eriksmoen naalagaaffeqatigiinni Washingtonimeersoq illoqarfimmi Sheltonimi. Tamannali Naviairip Sermitsiaq.AGmut qulakkeersinnaanngilaa.

Timmisarsuaraq DA40 Islandimit Keflavikimit Kulusummut mikkiartornerani attaveeruppoq nalunaaquttap 14.00-ip missaani septembarip aqqarngani. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER