Skip to main content

Timmisartortartut: Taamaallaat 6 procentit arnaapput

AirZafarimik piginnittoq, 23-nik ukiulik Mia Biilmann Larsen, siunissamut tatiginnittorujussuuvoq. Inuusuttut allat aamma taamaattariaqarput. Piumasatit suugaluartulluunniit malillugit anguniagaqarsinnaavutit, timmisartortartoq piumassuseqarluartoq niuernermillu ingerlatalik oqarpoq.

AirZafari coronap ajornartoortitsinerani ingerlalluarsimavoq.

Aviisi AG taama allappoq.

Tamanna ilaqutariit suliffeqarfiutaanni pisortap timmisartortartullu, Mia Biilmann Larsenip, qujamasuutigisorujussuuaa. Taanna 23-iinnarnik ukioqarpoq timmisartortartullu kiisalu Air Zafarimik pilersitsisut, ilisimaneqarluartut Bente Biilmann Larsenip aamma Jens Ploug Larsenip, panigalugu. Angajoqqaat marluullutik Air Greenlandimi timmisartortartuupput AirZafarimullu peqataajunnaarsimallutik, taamaammallu ukiup ataatsip matuma siorna, coronap aappassaanik takkusimaalernissaa sioqqutitsiarlugu, Mia ingerlatamut pisortanngorpoq, suliffeqarfik ukiuni tallimani peqataaffigereersimallugu.

- Kalaallit Nunaata soqutigineqarnera annertuseriarujussuarsimavoq, pingaartumik ukiuni makkunani. Takornariaqarnermik suliffeqarfiit alutorinninnerup annertusiartornera malugisinnaasimavaat, kisianni suliffeqarfik tunngavissaqarluaraluartoq, taamaattoq nutartigassaqalaarpoq imaluunniit coronap ukiuni marlunni atuutereernerani eqqarsaatinik isumassarsiullaqqippalaartunik aallartitsisoqartariaqarluni, Mia oqarpoq.

- Kisitsisitigut paasissutissat eqqarsaatigalugit eqqortumik sammivilimmik ingerlasoqarpoq, qujanartumik, 21-nik ukiulik Anna Biilmann Larsen ilassuteqarpoq.

Taanna Miap nukaraa, AirZafarimilu/Copenhagen AirTaximi timmisartortartunngorniartuulluni. Ukioq ataaseq missiliorlugu qaangiuppat naammassiguni timmisartup aquttarfiani sulilissaaq aqutsisunullu ilaalissalluni. Taama pisoqarpat qatanngutigiit arnat taakkua timmisartortitseqatigiiffimmut nammineq takorluukkaminnik suliaqassapput, AirZafarimi sulisut  sinneri peqatigalugit.

- Danmarkimi Kalaallit Nunaannilu suleqatigiinnik pikkorissunik suleqatigiilluartunik tunuliaqutaqarpugut. Tamarmik uagutsinnik isumaginnilluarsimapput. Imaanngilaq Annalu marluulluta kisimiilluta ingerlasimasugut. Suleqatigeeqarpoq ukiuni aqqanilinni misilittakkanik taakkuninnga ingerlatitseqqittunik, taamaalillutalu sumut tamaanga sammivilersuinnarsinnaanata, Mia oqarpoq.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER