Timmisartorsuaq Islandimut mikkallartariaqarsimasoq
Air Greenlandip timmisartuani ilaasoq napparsimalersimanera pissutaalluni timmisartoq Islandimut mikkallartariaqarneranut tunngatillugu ilaasoq covid-19-mik napparsimanngitsoq timmisartuutileqatigiiffimmit naqissuserneqarpoq
Airbus Norsaq, Københavnimit Kangerlussualiartoq, Islandimut mikkallartariaqarsimavoq ilaasup ataatsip napparsimalersimanera pissutaalluni, KNR allappoq.
Pisoq coronavirusimut attuumassuteqanngitsoq timmisartuutileqatigiffik nalunaarpoq.
- Pisoq Covid-19-imut tunngassuteqanngimmat timmisartoq kinguaattuulaarluni Kangerlussuarmut ingerlaqqissaaq, Air Greenland KNR-imut ilisimatitsivoq.