KL

DK

Timmisartoqarfiup illutassaa nappaanersiorneqartoq

Nuummi timmisartoqarfissaq ataasinngornermi nalliussineqassaaq, tassani sulisut sanaartoqataasullu nappaanersiornermi katersuutissapput.

Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Der blev budt på varme pølser og sodavand under rejsegilde for den nye terminalbygning i Nuuks lufthavn mandag.
Aaqqissuisoqarfik

Nuummi mittarfissaq nutaaq timmisartumit siullermit miffigineqariaannanngulerpoq. Mittarfissalli suliarineqarnera kisimi naammassineqangajalinngilaq.

Nappaanersiorneq sunaava

Nappaanersiorneq tassaavoq, qarmat sanaartorneri naammassineqaraangata, quassuttooq inissinneqaraangat qaliassarlu inissinneqaraangat sanasitsisup sanasunut, illussamik titartaasimasunut teknikerinullu nalliuttorsiortitsinera. Taamaalillunimi illu pilersinneqartutut isigineqalersarpoq, naak illu siunertamut atorneqalernissamut suli piareeqqanngimmat allanik suli suliassarpassuaqaraluartoq nappaanersiortoqartarpoq. Nappaanersiorneq sanaartorfimmi ingerlanneqartarpoq annikitsunillu sassaallertoqartarluni: immiaaqqat pølsillu sassaalliutitut nalinginnaanerpaapput.

Pissarsiffik: Wikipedia

Timmisasrtoqarfiup illutassaasa suliarineqarneri aamma ingerlalluarput, pingaartumik terminalissaq nutaaq Nuup nunataani initulereersimallutik.

Illutassaalumi ataasinngornermi nappaanersiutigineqarput, tassani sanasutut suliaqarsimasut tamarmik ileqquusumik nappaanersiortoqarnissaanut qaaqquneqarsimapput, ilaatigullu pølsinik sodavandinillu sassaallerfigineqarlutik - soorunami aamma ileqquusutut kransi nappaanersiornermi ikkunneqartartoq ikkunneqarsimavoq.

MT Højgaard timmisartoqarfiup illutassaanik tamanik sanaartortuuvoq, Titartaasarfillu Zeso Architects terminalissamik nutaamik titartaasuusimalluni.

800 kvm aappaagu naammassineqarsimassangatinneqartoq

Terminali 8000 kvm-it missaannik angissuseqassaaq, suliaralugulu naammassineqaruni ilaatigut akitsuuteqanngitsunik pisiniarfeqarlunilu utaqqisarfeqassalluni.

Suliat tamarmik ajunngitsumik ingerlassappata, terminali 2023-p naanerani piareersimassasoq naatsorsuutigineqarpoq.

Nappaanersiortoqarmat MT Højgaard, sanasut, suliffeqarfiit ikiuussimasut sanasitsisullu siunnersortaat Inupla, TNT Niras-ilu ilaatigut peqataapput.

inuussutissarsiutit nunatsinnit
Powered by Labrador CMS