Timmisartoqarfimmut aqqusineq ammaqqinneqalersoq
Qinngutsinniit Nuummi mittarfissamut aqqusineq Illerngit 2001 ataasinngorpat ammarneqassasoq naatsorsuutigineqarpoq.
Kalaallit Airportsimit (KAIR) naatsorsuutigineqarpoq, aqqusineq Illerngit 2001 kikkunnit tamanit atorneqaqqissinnaalissasoq.
Aqqusineq 2019-imi novembarip qaammataanili matuneqarsimavoq, Munck Gruppimi sulisut najugaqarfissaannik sanaartorneq aallartinneqarmat Nuummi atlantikukkoortaatinut mittarfiliortoqarnerannnut atatillugu aqqusineq matuneqarsimagami.
Aqquserngup matoqqatinneqarnerani aqqusineq allanngortilluinnarlugu suliarineqarsimavoq, ilaatigut nutaamik asfaltilerneqarlunilu mittarfiup eqqaani nutaamik siunnerfiliisoqarsimavoq.
Ullup-qeqqata missaani ammassagatinneqartoq
KAIR-imit ilisimatitsissutigineqarpoq, Kommuneqarfik Sermersooq suleqatigalugu tunniussisoqareerpat aqqusineq ullup-qeqqata missaani ammarneqassasoq.
Ifølge KAIR naapertorlugu, timmisartoqarfiup tungaanut aqqusineq alla, Siaqqinneq, mittarfik avannaqqullugu aqqutaasartoq tamat angallannerannut ammaannassaaq.
Persaqusersuinertik ajuusaarutigigaat
Taamaattoq kingusinnerusukkut matuneqartussaavoq. Mittarfiliornermi entreprenøri, Munck Gruppen, mittarfissat avannarpasinnerusortaani sulinermut atugassanik atortunik ingerlaartitsinissaq pisariaqartilerpagu, Siaqqinneq matuneqassaaq.
Tassunga atatillugu aamma Siaqqinneq allanngortinneqassaaq.
- Tamanna pitinnagu piffissaqartitsilluarluni ilimasatitsissutigineqarumaarpoq. Kalaallit Airportsip paasinnissasusi neriuutigaa aammalu sanaartornerup aqqusinernillu matusisarnerit malitsigisinnaasaannik akornuserneqartarnersi ajuusaarutigalugu, KAIR allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...