Skip to main content

Timmisartoqarfik: Piffissani assigiinngitsuni qaartiterisoqassaaq

Nuummi nutaamik mittarfiliornermut atatillugu piffissani assigiinngitsuni qaqqaq qaartiterneqartariaqassaaq.

Siullermik ilisimatinneqarpugut, pingasunngornikkut sapaatikkullu nalunaaquttap akunnerini marlunni qaqqamik qaartiterisoqartassasoq. Pilersaarut tamanna atorneqarsinaasimanngilaq, maanna pilersaarut nutaaq Avangiisinut Naalakkersuisoqarfimmit akuersissutigineqalerpoq qanittumilu tamanut saqqummiunneqassalluni.

Munck Gruppenip piffissaq qaqqamik qaartiteriffissaa sivitsorneqassaaq, sanasut sapaatip akunnerini aggersuni piffissat assigiinngitsut atorlugit qaartiterisinnaaniassammata. Kalaallit Airports pingasunngormat Hotel Hans Egedemi paasissutissiiniarluni ataatsimiisitsimmat innuttaasut takkussimasut taamatut ilisimatinneqarput.

Pilersaarut atoruminarnerusoq

- Sanasut pisariaqartitaat timmisartoqarfiullu ingerlanneqarnissaa eqqarsaatigalugit atoruminarnerusumik pilersaarusiortoqartariaqarsimavoq, Kalaallit Airportsimi pilersaarusiornermi pisortaagallartoq Aviaaja Karlshøj Knudsen innuttaasunut 100-t missaanniittunut, pilersaarummut tunngatillugu ernummatigisimannik apeqquterpassuaqartunut nassuiaavoq.

- Pilersaarut tamanut saqqummiunneqarpat, sapaatip akunnerata ingerlanerani piffissani amerlanerusuni qaartiterisoqartassaaq. Piffissanili taasatsinni tamani tamatigut qaartiterisoqartarnissaa qulakkeerlugu oqaatigisinnaanngilarput, pilersaarusiornermi pisortaagallartoq oqarpoq.

SMS-ikkut kiffartuussineq

Taassuma ilisimatitsissutigaa, SMS-ikkut kiffartuussivik pilersinneqarniartoq, kikkut tamarmik qaartiterisoqarnissaanik paasissutissanik pissarserusuttut allatsissinnaapput, qaartiterinissallu sioqqullugit paasissutissinneqartarlutik.

Munck Gruppenimi civilingeniøri Per Midjord isumaqarpoq, qaartiterinerit nipitussusaat innuttaasunut ajornartorsiutaassanngitsut.

Ilisimatitsissutigineqarpoq, qaqqaq 5,8 millioner kubikmeterisut annertutigisoq qaartiterneqassasoq, tassa qaartitikkat 8,7 millioner kubikmeteriusallutik. Sanasut taama annertutigisut sanaartornermut betonimullu atortussaavaat. Sanasup naatsorsuutiginngilaa, suliaq naammassineqarpat ujaqqanik qaartineqarsimasunik sinneqartooruteqassallutik.

Sermiligaami nunaqarfiup orpia kiisami ikinneqartoq
Sermiligaami silarlunnera peqqutaalluni pilersaarut malillugu orpik ikinneqanngitsoorpoq. Silali qatsuunnartoq nunaqarfimmi innuttaasut orpiup ikinnera nalliuttorsiutigaat.
Tunngaviit pingasut meeqqerivinni sulisut eqqarsartaatsimikkut peqqissusaat pitsaanerulersissavaat
Meeqqanut Atuarfeqarnermullu Ingerlatsiviup meeqqerivimmi sulisut eqqarsartaatsimikkut peqqissusaat pitsaanerulersinniarlugu misiliummik suliniummik aallartitsipput. Siullermik Nuummi meeqqeriviit...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER