Skip to main content

Timmisartoqarfiit uranilu ammaanersiorluni oqallinnermi sammineqangaatsiartut

Illuatungiliuttut ataasinngornermi Inatsisartut oqallinneranni ilaatigut Qaqortumi timmisartoqarfiliorniarneq aamma sineriammut qanittumi qaleralinniarnermi akitsuut akerleriissutaaqisoq sammivaat.

Ataasinngornermi Naalakkersuisut Siulittaasuata ammaanersiorluni oqalugiaataa Inatsisartut ataatsimiittarfianni oqaluuserineqarmat, illuatungiliuttut ukiaanerani politikkikkut siullertut pingaartitatik saqqummiuttarpaat.

Oqallittoqarnerani politikkikkut isumaqatigiinngissutaasutut ilisimaneqartut initupput.

IA-p oqaaseqartartua Agathe Fontain oqaluttarfimmiimmat, illuatungiliuttut Siumut Dempokraatillu Qaqortumi timmisartoqarfiliorniarnermi ajornartorsiuteqarneq IA-mit qanoq isumaqarfiginearnersoq apeqqutigivaat.

Agathe Fontainip akissuteqarluni oqaatigaa, IA-p sanaartornermut inatsit 2018-imi akuerineqartoq malikkaa, taamanikkut Inatsisartuni amerlanerussuteqartut timmisartoqarfiliortoqarnissaa kissaatigivaat.

- 2018-imi piviusut tamaasa ilisimasimasuugutsigit pitsaassagaluarpoq. Piffissarli kingumut utertissinnaanngilarput, suliniullu aallartinneqareermat  aallaqqaataaniit aallartissinnaanngilagut, Agathe Fontain ilaatigut oqarpoq.

Qaleralinnummi akitsuut suneqassava?

Partiili suliniummik allannguerusunnersoq akissuteqarfiginngila, Naalakkersuisut mittarfiup naannerutinneqarneratigut suliassap akikinnerulersinnaaneranik tunngavilersuisimagaluartut.

IA aamma sineriammut qanittumi qaleralinniarnermut akitsuut pillugu partii qanoq isumaqarnersoq pillugu apersorneqarpoq. Akitsuut ssakkortuumik oqallissutaasimavoq, naalakkersuisooqataasut Naleqqakkut akitsuummut akerliulluinnarnertik tamanut saqqummiussimammassuk, akerlianillu Aningaasaqarnermut Naalakkersuisup Asii Chemnitz Narupip (IA) akitsuutip ukiumut 16 millioner koruunit missaannik isertitaqaassutaasartup attatiinnarneqarnissaa oqaatiginikuuaa.

Agathe Fontainip tamanna pillugu oqaatigaa, partiimi isumaqatigiissutaasinnaasunik suliaqartoqartoq – aamma akitsuutinut tunngatillugu. 

Urani oqallissutaaqqilersoq

Aatsitassarsiorneq minnerunngitsumillu uranitalimmik piiaanissaq pillugit apeqqutit oqallinnermi saqqummertuarput.

Demokraatit siulittaasuata Jens-Frederik Nielsenip naalakkersuisooqatigiit uranimik piiaasoqanngivittoqarnissaanut inatsisissatut siunnersuummik saqqummiussisimanerat arlaleriarluni isornartorsiorpaa. Demokraatinit isumaqartoqarmat, inatsisissatut siunnersuutigineqartup Kalaallit Nunaata aningaasaqarnikkut ineriartornissaa aporfilertussaagaa.

- Tamatuma kinguneranik aningaasaliissuteqartartut aningaasaatitik sumut atussanerlugit aalajangerniartillutik sumiiffinnut allanut isiginialertussaapput. Nunatsinni aatsitassarsiornermik suliffissuaqalerniarnermut tamanna ajoqusiisussaavoq. Aamma taamatut aalajangersimaneq pissutaalluni aningaasatigut imminut napatilernissaq politikkikkullu namminersulernissaq qaqugorsuarmut kinguartinneqarpoq, Jens-Frederik Nielsen oqarpoq. 

Naalakkersuisut Siulittaasuata Múte B. Egedep oqallinneq naggaserlugu erseqqissaassutigaa, partii aatsitassarsiornermut angertuusoq

- Aatsitassarsiorfiit assigiinngitsut ingerlanneqarput, matumanilu pineqanngilaq suliniutinik allanik unitsitsinissarput. Taamaallaat aatsitassanik uranitalinnik piaasoqannginnissaa kissaatigaarput, Múte B. Egede oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER