takutinneqartussaq

Timmisartoq qaartartortallip nakkarnera pillugu filmiliaq naammassivoq

Amerikarmiut timmisartuat qaartartulik B32 Pituffiup eqqaani nakkarpoq 1968-mi. Tamanna pillugu danskit filmiliaat naammasseqammerpoq

Idealisten
Filmimi inuttaasut saamerlermit: Thomas Bo Larsen, Søren Malling Peter Plauborg kiisalu ilitsersuisoq Christina Rosendahl

- Filmiliaq killorlugu naammasseqqammerpoq tuluttuumullu nutserneqaqqammerluni. Filmfestivalini assigiinngitsuni takutinneqareerpat pisortatigoortumik takutinneqarumaarpoq.

Filmimi ilitsersuisoq Christina Rosendahl oqarpoq. Filmi 'Idealisten'-imik taaguuteqartinneqarpoq, akunnerni marlunni sivisussuseqarluni. Timmisartup nakkarnera pillugu paasissutissiiniarlutik angutit marluk sukataaruteqarnerat filmip imaraa. Timmisartoq nakkartoq qaartartoqarpoq.

Timmisartup nakkareernerata pissutaalluni USA-p, Danmarkip Kalaallit Nunaatalu ataqatigiinnerat innarlerneqarpoq.

Suli qaartartumik brintimik immap naqqaniittoqarnersoq apeqqutigineqartarpoq. Pituffimmiut timmisartup nakkareernerata kingorna ikiuisimasut ilaatigut kræftimik nappaateqalerput, taakkulu aningaasanik taarsiiffigineqarnissartik kissaatigisarlugu.

Timmisartup nakkareernerani ikiueqataasoq Marius Schmidt aamma tusagassiortoq Poul Brink filmimi malinnaaffigineqarput. Taakku statsministerip H.C. Hansenip isortortumik allagarsiarisimasai paasissutissiissutigereerpaat. Allakkami nipaatsumik akuersissutigineqarpoq qaartartup immap naqqaniiginnarsinnaanera. Tamanna danskit kalaallillu politikkeriisa ilisimasaqarfiginngilaat.

- USA-mut uagutsinnullu paasinnittaatitsinnut filmi tunngassuteqarpoq, Christina Rosendahl oqarpoq.

Christian Rosendahlip 'Idealisten' filmiliaasa aapparaat. Filmiliornerit Københavnimi, Sverigep avannaani, Aarhusimi, USA-milu ingerlanneqarput. Peter Plauborg, Søren Malling, Thomas Bo Larsen, Jens Albius, Nikolaj Cederholm aamma Helle Hertz filmimi inuttaapput.

Powered by Labrador CMS