Skip to main content

Timmisartoq Dash Københavnimut milersoq annaassiniaasartut sulisut

Qatserisartut ambulancellu ajutoortoqassagaluarpat piareersimatinneqarput timmisartoq Dash Københavnimut ataasinngornerup unnukkuani mimmat, ilaasunik ajutoortoqanngilaq

Timmisartoq Dash timmisartuutileqatigiiffimmit Baltic Air-imit Letlandimit Københavnip mittarfianut milernermini ajornartorsiuteqaleraluarpoq, tassani timmisartup assakaasua ajornartorsiutigineqaleraluarmat. 

Nutaarsiassaqartitsivik Ekstra Bladet nalunaarpoq. 

Timmisartoq 68-inik ilaasoqartoq timmisartup aquttarfiani ajornartorsiornermi ikittaartut ikittaarput. 

Taamaattumillu annaassiniartartut timmisartup milernerani piareersimatinneqarput. 

Timmisartup angalanerani ajornartorsiuteqalersimasoq timmisartumi aquttunit nalunaarutigineqarpoq, timmisartoqarfimmi politiit aqutsisuat Robert Troensgaard Estra Blademut oqarpoq. 

Timmisartorli ajoqquteqarani mippoq, ilaasullu aamma tamarmik ajoqquteqaratik timmisartumit anillutik. Ilaasut tamarmik eqqissisimasimasut nalunaarutigineqarpoq, timmisartorli timmisartoqarfimmi sulisunit inissinneqartariaqarsimalluni, danskit nutaarsiassaqartitsiviat nalunaarpoq, timmisartoq sorlerpiaanersoq aamma nalunaarutigineqanngilaq. 

Dash-8 Ilulissani ajutoortoq
Ilulissani anorlerpallaarnera pissutigalugu kiisalu timmisartup Dash 8-p sananeqarnera pissutaalluni timmisartoq januaarip 29-ani mittarfimmut mereerluni sisoorpoq. Timmisartuni ilaasuni annertunerusumik ajoqqusertoqanngilaq. 

Timmisartunik ajutoorsimasoqatsillugu paasiniaasartut nalunaarusiaanni februaarip 28-ani nalunaarutigineqarpoq timmisartup assakaasuata saamiatungaata niulua napineranut timmisartup ajutoorneranut pissutaasoq. Timmisartoq sakkortuallaamik minnermini assakaasup niulua aserortussatut sanaavoq. 

Timmisartoq ajornerusumik ajoqqusinnginnissaa anguniarlugu assakaasut niului sakkortuallaamik minnermi aserortussatut sanaapput. Taamatut sanaasimanngitsuuguni assakaasut niului timmisartup orsiisarfianut puttussimassagaluarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER