Timimik sungiusaasoq aallarteqqammersoq timersornermik pingaartitsisoq

Nuummi timimik sungiusaasoq nutaaq suliniutissaminik pilersaaruteqarluartoq tupaallaatigisaminik pitsaasumik aallartippoq

Casper Gustavsen aappani meeqqatillu pingasut ilagalugit qanittukkut nuuppoq. Taassuma suliffeqarfik CG Fysioterapi Nuuk marsimi aallarnerpaa. Nipaatsumik aallartinnissaq illoqarfimmilu inissikkiartuaarnissaq pilersaarutigisimagaluarpaa. Taamali aallartinngilaq.

Inutsigut tusakkanit eqqugaasoq
Casper Gustavsenip ilaquttani pingaartittorujussuuai aamma atuartumik ataatsimik, meeqqerivimmiittumik ataatsimik, ataatsimillu ullukkut paaqqutarineqartartumik meeraqarami angerlarsimaffimmini pingaarnersiugassaqarluarpoq. Taamaattumik arriitsumik aallartikkiartuaarnissani iluarinartilluinnartussaagaluarpaa.

Katsorsaasarlunili aallartikkami aamma assammik arsarluni GM-ertoqarnerani ikiuukkami inutsigut tusagaalertorsimavoq. Aallartinnerminit ullut arlaqanngitsut qaangiutiinnartut inniminniisorpassuarnik ullorsiutimini allattugaateqalereerpoq, ullorsiutimilu qaqugukkut ulikkaarsimasutut maanna akueriniartariaqalissanerlugit maanna suliassamisut akuerisariaqalerlugu.

Timersortartunit pikkorinnerpaanit misilittagalik
Casper Gustavsen Jyllandimeersuuvoq, tamaanilu ukiuni arlalinni timersortartut pikkorinnerpaat akornanni timimik sungiusaasutut peqqissutsimullu qullersatut atorfeqarsimalluni.

Ilaatigut arsaattartuni pikkorinnerpaani Hobro IK-mi aamma basketballertartuni Randers Cimbriami aalajangersimasumik ikiuuttarsimavoq. Taakku saniatigut assammi arsartartut peqatigiiffii Randers HK, Randers HH timersoqatigiiffiillu allat arlallit misilittagaqarfigai. Taannami aamma GM-ip nalaani timersoqatigiiffinnit NÛK-mit aamma B-67-imit ikiortissarsiarineqartareerpoq. Taanna nammineerluni sulorarnermi sølvimik ujamminnaqqammerpoq, taassumami Henrik Jensen peqatigalugu marlukkaarluni unamminermi Jens-Frederik Nielsen aamma Frederik Elsner ajorsarfigigamikkik.

Inuk tamarmiutillugu
Eqqarsartaatsimi tunngavigineqartartumi katsorsaanermi timip kisimi isiginiarneqannginnissaanik tunngaveqartoq aallaavigalugu Casper Gustavsen ikorfartuisutut aamma ilinniagaqarpoq aamma nerisanik siunnersuinermut tunngasunik suliaqarsimalluni.

Taamaattumik tassannga katsorsarneqarnermi taamaallaat timimik sungiusaaneq nalinginnaasoq pineqarneq ajorpoq, aammali anniaateqartup anniarneranut patsisaasoq nassaariniarneqartarluni. Katsorsaaneq annerisamut tunngassuteqarnerusarmat taamaattumik pinaaveersaartitsinermik taperneqartarpoq, katsorsarneqartup taamaalilluni inooriaatsiminik allannguinissamut pisariaqartitsinerluni nammineerluni paasissammagu.

Katsorsaariaaseq nuannarineqartorujussuartut paasinarsisoq tassaavoq qinnguartaalluni katsorsaaneq. Immikkut ittumik atortoqarluni maligaasat assigiinngitsut sisamat atorlugit timip ipiutaasartaasa uummarissarnerisigut annerileriasaakkat anneriuakkallu annernarnerat millisinneqarsinnaapput.

Casper Gustavsenip ilanngullugu oqaluttuarai laseri timersornermut atatillugu qanoq atortarnerlugu, soorlu pullattoornerni, aammik katersuuttoornermi aamma qissallattoornermi.

Suliffeqarfinni peqqissuseq
Ulluinnarni nalinginnaasuni inuppassuarnik oqaloqateqartarnermigut Casper Gustavsen sulinermini sulerusussuseqalersarpoq. Taamaattumik maannangaaq Nuummi suliffeqarfinnik arlalinnik suleriaatsimi pitsaanerulersitsinissanut aamma pinaveersaartitsinernut tunngassutilinnik oqaloqateqarami nuannaarutigaa. Taamaalillunimi suliffeqarfinnut ornigussinnaassagami sulisullu pitsaanerusumik ulloqartarnissaannut ikiorsersinnaallugit timillu sivisunerusumik atuussinnaanera eqqarsaatigineqalerluni.

Nakorsiartarfimmik amigaatilik

Ilaqutariit piffissami matumani illumi, aaqqiissutaagallartumi najugaqarput, Casper Gustavsenilu naqqup ataani nakorsiartarfeqarluni. Illuli taanna allamut tunineqarsimavoq piginnittunngortullu qanittukkut nuuttussaassallutik.

Taamaattumik Casper Gustavsen illoqarfiup qeqqani nakorsiartarfissaminik piukkunnartumik ujaasivoq, tassanilu ineriartornissamut periarfissaqarnissaa kissaatiginartissinnaallugu. Tamatuma peqatigisaanik ilaqutariit illussaminnik aamma ujaasipput, aasaaneraniillu sumi nakorsiartarfeqalissanersoq maanna nalunarallarluni.

Aallarnisaasoq isumassarsiarpassualik
Nakorsiartarfiup CG Fysioterapi Nuup sumiissinnaanissaanik amigaateqarneq eqqarsaaterpassuarnik aamma pilersitsivoq. Taamaattumik Casper Gustavsen suliniutissanik arlalissuarnik isumassarsiaqarpoq, tamakkulu nipimigut piumassuseqarpalulluni isinilu qillaalatillugit oqaatigai.

Tamakku ilaat timersortartunut pitsaanerusunik atugassaqartitsinissamut tunngasuupput. Allat suliffeqarfiit namminersortut peqqissuunissamik suliaqartut ataatsimut illoqatigiilernissaannut tunngasuupput. Sulilu allat suliffeqarfiit inuiaqatigiinnut akisussaaqataanissaannut periarfissanut tunngasuullutik.
Malinnaaffiginissaa soqutiginassaaq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS