Skip to main content

Timigissarneq tarnimikkut nappaatilinnut iliuaqutaavoq

Tarnimikkut nappaatillit inuunerinnerulertarput nakorsaatitornikinnerulertarlutillu, katsorsarneqarneranni timigissarneq ilaatinneqarpat.

Skuut sungiusaatit atikkit, qilerutai qilikkit sungiusalerlutillu. Tassami timigissarnikkut tarnikkut nappaatit pakkersimaarneqarsinnaapput, tamanna Sundhedsstyrelsmit nalunaarusiami nutaami atuarneqarsinnaavoq.

Tassani misileraalluni suliniut nalilersorneqaqqammerpoq, tamatumani tarnikkut nappaatilinnut immikkoortoqarfiit ammasut 14-it matoqqasullu arfineq-marluk timigissarneq katsorsaanerup ilaatut atorsimallugu.

Tamatuma inernerisimavaa sulisut 68 procentii isumaqarlutik timigissarneq napparsimasut tarnikkut pissusaat annertuumik pitsanngortikkaat, 65 procentillu aamma naliliillutik timigissarnikkut nakorsaatinik eqqissinartunik pisariaqartitsineq annikillisinneqartartoq.

- Paasineqarsimavoq tarnikkut nappaatinik katsorsaanermi timip aalatinnera akikitsumik akulerutsinneqarsinnaasoq, taamaasillunilu timip aalatinnera uninngatitaanermi isumassalimmik ilaalluni ulluinnarnilu, isumassalimmik piffissap atoruminaatsinneqarnerani, Barbara Hjalsted, Center for Forebyggelse-mi immikkoortoqarfimmi nakorsaq suliniummilu pisortaq oqarpoq.

Nuummi "Maaji Peqqinnartuutiguk" ingerlanneqarnerani inersimasunut tarnikkut nappaatilinnut ulloq unnuarlu paaqqinnittarfik, Sungiusarfik Aaqa, Nuup Timersortarfiani sullissaminut sulisuminullu iluatsilluartumik ullormik timersornermik ingerlatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER