Skip to main content

Timersortartunut efterskole aappaagu ammassaaq

Nuummi Timersortartunut Efterskole atuarfiup aallartinnissaanut suliniummut pisortatut atorfinitsitsivoq. Taanna atuarfiup aallartisarneqarnissaanut aningaasanik pissarsiussaaq.

Nuummi Timersortartunut Efterskolessamik suliniuteqartut siulersuisuisa 2017-imi aggustip aallaqqaataanit atorfinitsippaat 44-nik ukiulik Poul Petersen, atuarfissami atorfillit siullersaattut. Taanna atuarfissamik suliniummut pilersaarutit malillugit 2018-imi aggustip qaammataani ammartussamut siuttuussaaq.

Nuummi Tunersortartunut Efterskoleliornissamik suliniut namminerisamik suliniutaavoq siunertarineqarluni sineriak tamakkerlugu 9-10 klassemi atuartut timersortartut efterskoleqalernissaat. Atuartut suliatigut inuttullu ineriartortinneqarneranni timersorneq periutsitut atorniarneqarpoq. Neriuutigineqarpoq timersortartunut efterskolessami atuartut ilinniartitaanerup iluani ingerlaqqittarnissaat, soorlu GUX-imi, inuussutissarsiutitigut ilinniarfinni assigisaanilu.

Suliniummik aallartisaanermut aningaasatigut tapiissuteqartuuvoq Kommuneqarfik Sermersooq tamatumalu saniatigut suliniut aningaasaateqarfinnit tapiissutinik isumalluuteqarluni ingerlanneqassaaq. Suliniummut pisortassap ukiumi tulliuttumi suliassaasa pingaarnerit ilagissavaat siulersuisut peqatigalugit atuarfiup aallartinnissaanut aningaasaliissutinik pissarsiniarnissaq, kiisalu najukkami ataatsimoorussamik soqutigisaqarluni suliniuteqartunik suliassanillu aallartisaasunik suleqateqarnissaq.

- Poul timersortartuuvoq pimoorussisoq, Kalaallit Nunaanni peqatigiiffilerinermi akuulluinnartoq taamalu nammineq kajumissutsiminnik ingerlatsissunik inuusuttunillu sullissinermik sungiusimasalik. Siulersuisunit Poulimik suleqateqarnissaq qilanaarineqarpoq taamatullu ilaatigut siulersuinermik suliniummullu aqutsinermik misilittagai atorluarneqarusullutik, siulittaasoq Finn L. Nielsen oqarpoq.

Poul Petersen naluttarfimmi Malimmi pisortatut atorfeqarsimavoq ilaatigullu sinerissami sumiiffinni arlaqartuni politiitut sulisarsimalluni. Ilutigitillugu Poulip suliniummut aqutsisutut akisussaaffigissavaa Nuummi Timersoqatigiissitsinissaq, kommunimi suliniutaasoq siunertaralugu Nuummi timersuutitigut peqataatitsinerulernissaq ineriartortitsinissarlu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER