Skip to main content

Timersortarfiit nutarterneqassasut

Lokale og Anlægsfonden Kalaallit Nunaanni timersortarfinnik nutarteriniarluni aallartippoq. Kommune Kujallermik suleqateqarneq siulliullugu aallartinneqarpoq

Lokale og Anlægsfonden nutaamik suliniuteqalerpoq: ’Kalaallit Nunaanni timersortarfinnik nutarterineq’. Timersortarfiit aaqqissuunneqassapput amerlanerit timiminnik aalatitserusutsilerlugit. Timersortarfimmik allanngortitsiniarluni sulineq siulleq Kommune Kujallermi Qaqortumi timersortarfimmi aallartinneqarpoq.

- Kalaallit amerlanerit sunngiffimmi sammisassanut peqataasassappata ulluinnarni sammisassaqartitsisarnissaq aalajangiisuulluinnartussaavoq. Timiminnik aalatitserpiarneq ajortunut ulluinnarni aalatitsinissamut, peqqissarluni sammisaqarnissamut timersornissamullu – soorlu pisuttuarnissamut angerlarsimaffimmilu allanik atisaleqqaarani qitinnissamut timigissarnissamullu tunngatillugit sammisaqarnissamut periarfissarpassuaqarpoq, Lokale og Anlægsfondenimi inerisaanermut siunnersorti Jakob Færch tusagassorfinnut nalunaaruteqarnermi oqarpoq.

- Inuusuttut timersornerinnaanngitsumik timigissarnerinnaanngitsumillu allanik sammisaqarnissaq pingaarutilipilussuuvoq. Pinnguarnissamut, timip aalatinnissaanut, inuttut ataatsimuulaaarnissamut pitsaasunillu misigisaqarnissamut eqaatsumik atugassaqartitsinermut timersortarfik illoqarfimmut qanittumi pinngortitamut silamilu aqqusinermilu sammisaqarusuttartut akornanni attaveqaataasinnaavoq.

Nunami kommunit allat sisamat suliniummut peqataaqquneqarput. Suliniutissanik toqqaanissaq Lokale og Anlægsfonden suleqatigalugu pisassaaq, kommunimilu aserfallatsaaliinissamut pilersaarutaareersunut atatinneqarsinnaallutik.

Nujakkami innuttaasunik peqataatitsineq

Lokale og Anlægsfondenimit misilittagaqarfigineqarpoq, illuutinik atuutereersunik nutarterisarneq, tassa illuutit najukkami innuttaasut naapittarfiattut atorneqarsinnaasunngorlugit.

Suliniuteqarnermi timersortarfiit atortui misissoqqissaarneqassapput kalaallillu timersoriaasiat pillugu nunami tamarmi ilisimasat misissoqqissaarneqassallutik.

Kommunit peqataasut innuttaasunik misissuinermik aallarniissaapput timersortarfinnillu ineriartortitsinermi najukkami atuisartut peqataatinneqassallutik.

Kalaallit Nunaanni Timersorartut Kattuffiata (GIF) ilisimaneqartutut 2030-mi nunap nunarsuarmi timimik aalatitsiunerpaaffinngortinneqarnissaa anguniagaraa. Anguniagaq taanna GIF-ip sammisaqatitsisarnerata saniatigut ingerlanneqarneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER