Timersoqatigiit Kattuffiat: Aaqqissuussat taamaatikkallarneqarput
Timersoqatigiit Kattuffiata, katerisimaarnermi inuit 20-innaat peqataasinnaatitaanerat qaammatip naaneranut sivitsorneqarnera tunngavigalugu, nunatsinni pissartanngorniunnerit assigisaallu piffissami pineqartumi taamaatikkallarpai.
Kalaallit Nunaanni Timersoqatigiit Kattuffianit kaammattuutigineqarpoq, illup iluani silamilu katersuunnissamut inerteqquteqarneq malinneqassasoq.
Kalaallit Nunaanni Timersoqatigiit Kattuffiat pineqartut aallaavingalugit ima innersuussuteqarpoq:
- Amerlanerpaamik killiliussat tunngavigalugit silami ingerlanneqartussatut aaqqissuussat, nalliuttorsiornerit, sammisaqartitsinerit assigisaalluunniit amerlanerpaamik 20-nik peqataaffigineqarsinnaasut innersuussut malillugu ingerlanneqarsinnaapput.
- Tamanna aallaavingalugu Timersoqatigiit Kattuffianiit nunatsinni pissartanngorniunnerit assigisaallu taamaatikkallarneqarnissaat piffissami qulaani taaneqartumi taamaatikkallarneqarnissaat innersuussutingaa. Ilisimatitsissutingissuarput maleruaqqusat killilersuinerillu allanngorsinnaanerat kiisalu sivitsorneqarsinnaanerat sillimaffigineqassasoq., Timersoqatigiit Kattuffiat tusagassiorfinnut nalunaaruteqarluni allappoq.
Naalakkersuisut tusagassiortunik katersortitseriitsiartut Nuuk Skakklubip, nunani tamalaani skakkertarnermut ulloqartitsineranut atatillugu agangu marlunngornermi juulip 20-ani skakimik unammiuaartitsinissani taamaatiinnarniarlugu aalajangersimavaa.
- Unammiuaarnissap ingerlanneqarsinnaanera naggatissaa tikillugu neriuutigisimagaluarpara, nunamili pissutsit taamatut itsillugit tamanna ajornarpoq, Nuuk skak klubimi siulittaasoq Niels Kristisan Skou ilisimatitsivoq.