Timersoqatigiiffik nunanut allanut unammisartuinnarnik unammisartulik
Nunatsinni kisiartaalluni floorballimik unammisartut nunanit allanit soqutigineqarput. Timersoqatigiiffik Nuummeersoq nunani tamalaani aallakaatitsisartumit Eurosportsimit aallakaatitassiarineqarpoq
Annonse
Nuuk Floorball Club, inuusuttunik inersimasunillu unammisartulik, Eurosportsip Sverigemi immikkoortortaqarfianit aallakaatitassiarineqarpoq.
Aallakaatitassiami minutsinik arfineq marlunnik 49 sekundinillu sivisussusilimmi timersoqatigiiffimmi unammisartut kammalaatigiinnerat, sungiusaqatigiittarnerat aamma aalisariaqatigiittarnerat aallakaatitassiaraat.
Timersoqatigiiffik Nuuk Floorball Club ukiuni sisamani atuutereerpoq, tassani Nikolaj Christoffersen unammisartuujutigaluni aqutsisuulluni.
Ukiumi unammiffiusumi matumani suna anguniarneqarnersoq apeqqummi eqqarsaatigeqqaalaariarlugu ima akisoqarpoq:
- Kalaallit Nunaanni floorballimi timersoqatigiiffiit amerlanerusuuppata neriunnaraluarpoq Nunatsinni pissartanngorniutitsisoqartalissasoq.