Skip to main content

Timersoqatigiiffiit uku ujaminnanniutissapput

Nunatsinni assammik arsarluni meeqqat 14-it ataallugit ukiullit pissartanngorniunnerat naammassiartulerpoq

Kalaallit Nunaanni U14-it assammik arsarlutik pissartanngorniunneranni Sisimiut timersortarfianni ulluni makkunani ingerlanneqartumi, timersoqatigiiffiit sorliit ujaminnanniutissanersut maanna paasinarsivoq.

Naak unamminerit allat ullumi marlunngornermi ingerlanneqartussaagaluartut, niviarsiaqqani aamma nukappiaqqani holdit sisamat anguneqarsinnaajunnaareerput.

Pingasunngorpat finalertoqassaaq
Niviarsiaqqat akornanni SAK Sisimiuneersut arfinilinnik pointeqarlutik siuttuupput. NÛK Nuummeersut sisamanik pointseqarput, GSS Nuummeersut aamma Akígssiak' Maniitsumeersut pingasuni pointeqarlutik. Sermeq HC Paamiuneersut, ullumikkut inernerit qanoq ikkaluarpataluunniit tallimaattut inississapput. Taakku suli pointinnanngillat.

Atuaruk: Meeqqat assammik arsarlutik unammiuaaleruttorput

Timersoqatigiiffiit sinneri, NÛK aamma N-85 ujaminnanniunnissaminnut periarfissaarupput, naak ullumikkut marlunngornermi unammisussaagaluarlutik.

Aqagu pingasunngornermi finalertoqassaaq.

Ataasinngornermi inernerit:

Nukappiaqqat: 

  • NÛK - Norsaq HC: 12-13
  • N-85 - GSS: 12-25
  • Sermeq HC - S-68: 16-26
  • Norsaq HC - GSS: 24-21
  • Sermeq HC - N-85: 16-12
  • NÛK - S-68: 8-20

Niviarsiaqqat: 

  • Akìgssiak' - Sermeq HC: 9-4
  • SAK - GSS: 24-17

Marlunngornermi unamminissat:

Nukappiaqqat:

  • N-85 - Norsaq HC
  • GSS - Sermeq HC
  • N-85 - NÛK
  • S-68 - Norsaq HC

Niviarsiaqqat: 

  • GSS - NÛK
  • NÛK - SAK

Marlunngornermi unamminerit nalunaaqutaq 14.00 aallartissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER