Tilluuttoqaleqaaq

Tilluunermi sungiusaatigaluni unamminerit Nuummi maajip 29-ani isiginnaariarneqarsinnaasut timersoqatigiiffik Fight Club Nanoq nalunaarpoq. Unamminerit pissanganarlutillu aliikkutaasasut, timersoqatigiiffimmi siulittaasup Kenneth Djurhuusip oqaatigaa.

Sungiusaatigaluni unamminerit pissanganartut arnallu normunik takutitsisartut maajip naanerani misigineqarsinnaapput. Fight Club Nanoq kingullermik novembarimi 2019-imi takutitsipput. Tilluuttartut kajumissaarnissaat siunertaralugu takutitsineq ingerlanneqassaaq.

- Sungiusartakkagut tamarmik sungiusarluarnikooqaat. Taamaattumik isiginnaartussat pissanganissartik naatsorsuutigisinnaavaat. Nakorsamik piareersimasoqarumaarpugut arlaanik susoqassappat, Kenneth Djurhuus Sermitsiaq.AG-imut oqarpoq.

Sungiusarluni unamminerit nalunaaqutaq arfineq-marlunut aallartissapput unamminerillu kingulliit nalunaaqutaq 21:45 aallartissallutik. Unamminerit katillugit arfineq-pingasuusapput meeqqallu aamma aliikkusersuinerullutik takutitsiimaarlutik.

Arnat aamma unammissapput

Arnat marluk sungiusarluarsimasut unammissapput. Christina Marie Christensen aamma Puto Kivioq Nuup timersortarfiani piginnaasartik takutissavaat.

- Unamminerni ajugaasoqarnavianngilaq. Sungiusarluni unamminermi takutitsineruvoq, taamaaliornikkummi tilluuttartugut sungiusartuarnissaanut piumassuseqalersinniarpagut, Fight Club Nanoq-mi siulittaasoq oqarpoq.

Sapaatip akunneranut pingasoriaq Fight Club Nanoq sungiusartitsisarpoq sungiusaasullu maanna pingasuupput. Sungiusaasullu ukuupput, siulittaasoq, Kenneth Djurhuus, Aputsiaq Davidsen aamma Mahmoud Minaei. Saniatigut allamik aamma sungiusaassumik ikiorteqarput. Tassa Philippe Kûitsé Andersen, taanna aamma takutitsinermi peqataasussaavoq. Timersoqatigiiffiullu siunissami sungiusaasuulluarnissaa naatsorsuutigaat.

Philippe Kûitsé Andersen aamma Aninnguaq Eigaard unamminerit naggasissavaat. Unamminerallu pissanganartuunissaa naatsorsuutigineqarsinnaasoq sungiusaasup oqaatigaa. Taakkumi ukiorpassuarni tilluuttarsimapput.

Unamminerit qanoq ingerlanissai uani takukkit:

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS