Tillitanik pisinissamut politiit aarlerisaaripput: Mobilit nalituut tillinneqartut

Tallimanngornerup unnuaani Nuummi Elgigantenimi tillinniartoqarpoq, pinerluuteqartullu oqarasuaatinik angallattakkanik amerlasuunik tillissimapput.

Politiit pasineqartunik arlalinnik tallimanngornermi ujartuipput, taakku Nuummi tallimanngornerup unnuaani Elgigantenimut tillinniarsimasutut politiinit pasineqarput.

Mobilit untritilinnik arlalinnik tuusintilikkaanik naleqartut tillinneqarsimasut, pigaartut pisortaata Jens Rønbergip Sermitsiaq.AG-mut oqaluttuaraa:

- Oqarasuaatit ilaat tiguagut, kisianni ilaat amigaatigaagut, Jens Rønberg oqarpoq, taakku Applemit nioqqutaanerarpai.

Pasineqartut 18-it inorlugit ukioqartut

Suliami pasineqartut 18-it inorlugit ukioqarput, ullullu ingerlanerani politiit najukkanut arlalinnut ornigupput, ilaatigullu pasineqartut angajoqqaavi oqaloqatigineqarput, inuusuttulli pasineqartut suli tigusarineqanngillat.

Aammattaaq tillinniarsimasut oqarasuaatit maanna tuniniarsarigaa, politiit paasissutissaateqarput.

Pigaartullu pisortaat innuttaasunut aarlerisaaruteqarpoq, oqarasuaammik tillitamik pisinnginnissaq eqqumaffigeqqullugu:

Oqarasuaatit akisunngitsut aarlerisaarutigigai

- Innuttaasut nalinginnaasut oqarasuaatinik tillitanik pisigunik, tillitanik atueqataasunngorsinnaapput. Nalinginnaasumik oqarasuaatit atorneqarsinnaajunnaarsinneqartarput, simkortilerneqaraangamillu sumiissusersineqartarlutik. Taamaattumik tillitanik atueqataasutut unnerluutiginninnermik aningaasanillu annaasaqarnermik kinguneqartitsisinnaavoq, pigaartut pisortaat oqarpoq.

Suliami paasissutissaateqartoqarpat politiit 70 14 48-mut attaveqarfigineqarsinnaapput.

- Inuusuttunik ilerasuttoqaruni aamma tikilluaqquagut, tassami ujarpavut, Jens Rønberg oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS