Tillinniat marluk politiinit tigusarineqartut

Angutit inuusuttut marluk Nuummi Atertami Brugseneeqqami sakkulersorlutik tillinniarsimasut ujaarineqartullu politiinit ullumi tigusarineqarput.

Nuussuarmi Brugseneeqqami tillinniarsimasutut pasisat marluk Nuummi politiit ullumi pingasunngornermi nalunaaqutaq 17.00 tigusaraat.

Tillinniartoqarneranik marlunngornermi nalunaarutiginnittoqareersorlu politiit suliami paasiniaanermik annertuumik ingerlataqarput, pasisallu marluk kikkuuneri paasineqapallallutik, politiit pingasunngornermi unnukkut tusagassiorfinnut nalunaaruteqarlutik allapput.

Pinerluttulerinermi inatsimmi § 112 jf. § 12 - tillinniariarneq- mik pineqartut unnerluunneqarput nassuersimallutillu.

Aappaa 16-inik aappaalu 17-inik ukioqarput.

- Suliamut tunngatillugu politiinut saaffiginnissimasut tamaasa politiit qujaffigerusuppaat. Suliani taama ittuni paasissutissat amigaatigisagut innuttaasunit saaffiginnissutigineqartarneri pingaarutilerujussuupput, politiit nalunaarput.

Suliami paasiniaaneq suli ingerlammat suliamut tunngatillugu politiit maanna oqaaseqaqqissanatik ilisimatitsipput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS