Tillinniartutut ilimagineqartut biilinik malersuereernermi tigusarineqartut
Marlunngormat politiit Nuummi biilit aallarunneqarsimasut malersorpaat. Inuit marluk tigusarineqarput.
Nuummi innuttaasup eqeersimaartup marlunngornermi ullaassakkut tillinniartoqarnera nalunaarutigaa. Tillinniarneq Nuup qeqqani neriniartarfimmi pivoq, nalunaarutiginnittullu inuit marluk qimaasut takusimavai.
Politiit ornigupput, pasineqartullu marluk sanasut biilianniittut siumorpaat. Politiit iluatsinngitsumik unitseriaraluarpaat, sanasullu biiliat malersulerlugu.
Malersuineq Nuussuarmi unippoq, Nunatsinni Politiit Sermitsiaq.AG-mut taama ilisimatitsipput.
Tillinniat taakku aqqusinermut matoqqasumut ingerlapput ingerlariaqqissinnaajunnaarlutik. Tassanngaanniillu arpallutik qimaapput, politiillu arpallutik malersoramikkit tigusaraat.
Nuummi tillinniaqattaartoqartoq
Neriniartarfimmut tillinniartut politiit tigusarisimallugit ilimagilluinnarpaat.
Biili qimaanermi atorneqartoq aamma sanasut suliffeqarfiannit unnuakkut aallarunneqarsimasoq paasinarsivoq.
Nuuk maannakkorpiaq tillinniaqattaarfiuvoq, ingammik suliffeqarfiit, taamaattumillu politiit ersarinneruniarlutik angalaaqattaarput, tillinniartuusinnaasullu tigusariniarlugit, Nunatsinni Politiit tusagassiisarfiat ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...