Tillinniartartuusorisat tigusarineqartut

Tallimanngornerup ullaassaani inuit sisamat tillitaminnik nassataqartut politiinit tigusarineqarsimapput. Politiit misissorniarpaat, inuit taakku sisamat Nuummi arlalitsigut tillinniartoqartarneranut attuumassuteqarnersut.

Nuummi arlalitsigut tillinniartoqartarsimammat Kalalalit Nunaanni Politiit piffissami sivisuumi illoqarfimmi tillinniartoqartarnera ukkatarisimavaat.

Tallimanngornerup ullaasaani taamatut suliaqartarneq angusaqarfiugallarpoq, pigaartut pisortaat Julie Senderovitz Bendtsen ilisimatitsivoq.

- Illoqarfimmi nakkutiginninnermut atatillugu biilertutta tillinniartut siumorsimavaat. Sumiissusersiuereerlutik inuit sisamat nassaarisimavaat, taakku maanna tigusarineqarsimapput, Julie Senderovitz Bendtsen oqarpoq.

Nukappiaqqat marluk tigusaasunut ilaasut

Pigaartut pisortaat naapertorlugu nukappiaqqat 14-inik 16-inillu ukiullit pineqarput, taakku saniatigut angutit marluk - ataaseq 20-kkunik ukiulik aappaalu 40-kkunik ukiulik pineqarlutik.

Inuit taakku sisamat tillitaminnik arlalinnik tigummiaqarsimapput, soorlu nerisassanik sakkunillu. Pigaartut pisortaata oqaatigaa, inuit sisamat taakku piffissami kingullermi tillinniartarnerpassuarnut attuumassuteqarnersut imaluunniit taakkuunersut tillinniartartut politiinit maanna misissorneqarniartoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS