Tillie Mútelu: Sanngiinnerpaat qajassuunneqarlik

Illuatungiliuttut partiivisa marluusut – IA-p Suleqatigiissitsisullu – naammaginngilluinnarpaat, Naalakkersuisut Aalisarneq pillugu Ataatsimiititaliarsuarmut immikkut aningaasaliissuteqarniarlutik, kontomit ilaatigut meeqqanut sumiginnarneqarsimasunut atugassianit en million koruuninik aallerniarnerat.

- Maanna pingajussaanik sisamassaaniunerporluunniit takuarput, Naalakkersuisut meeqqat inuusuttullu sipaarniarfiginiaraat, naak meeqqat ukiuattut imaluunniit meeqqanut tunngillugit ukiut qulit sullissiniarlutik oqartuartaraluarlutik. Tamanna kanngunaqaaq, iliuusaat erseqqeqaaq aamma iliuusaat isumakkeerfigineqarsinnaanngilaq, Suleqatigiissitsisuneersoq Tillie Martinussen erseqqissaavoq.

Tillie Martinussen isumaqarpoq, miliuunit pineqartut assersuutigalugu IT-kkut suliniutip Ilanngaassiviup sipaarniarfigineqarneratigut pissarsiarineqarsinnaasut.

IA-p sanngiinnerpaat illersorusuppai

Nunami partiit annersaata tulliani siulittaasup, IA-meersupv Múte B. Egedep aamma paasisinnaangilaa, Naalakkersuisut Aalisarneq pillugu Ataatsimiititaliarsuarmut miliuunit amigaataasut matussuserniarlugit iliuusaat.

- Atugarissaartuuneq sipaarniarfigineqassanngilaq. Pingaartumik maanna ajornartorsiornitsinni, inoqativut immikkut ittumik illersortussaavavut. Sipaaruteqarniarnerit suliniutigisallu sanngiinnerpaanut tutsinneqanngisaannassapput, partiimi siulittaasoq Sermitsiaq.AG-mut erseqqissaavoq.

- Sanngiinnerpaat aallerfiginngikkaluarlugit allatigut sipaarniarsinnaavugut, taanna erseqqissaavoq.

Powered by Labrador CMS