Skip to main content

Tilioq: Inuusuttut avannaamiut innarluutillit imminnut isumassarsiorfigisinnaapput

Inuusutut innarluutillit 21-t Norgemeersut, Danmarkimeersut Kalaallillu Nunaanneersut Sisimiuni naapissapput, attaveqaatinik pilersitsiniarlutik aamma tapersersorteqartarnermut ikiuutinullu tunngatillugit misilittakkaminnik avitseqatigiinniarlutik aamma atoqateqartarnermut tunngasunik oqaloqatigiissuteqarniarlutik.

Nunani assigiinngitsuni taakkunani pingasuni assigiinngitsutigut ikiorsiissutigineqartartut suna assigiinngissutigaat? Inuusuttut innarluutilli Danmarkimeersut, Norgemeersut Kalaallillu Nunaanneersut novembarip qaammataata qiteqqunnerani tamanna ilaatigut oqaluuseriniarpaat.

Tilioq nunat killeqarfii akimorlugit suleqatigiinnissamik pilersitsisimavoq, inuusuttut innarluutilli innarluuteqarnerminni misilittakkaminnik avitseqatigiittarnissamut periarfissinniarlugit.

Ingrid Thunem fra Norge
Pissarsiffik: Tilioq

-

Sisimiunukarnissara assorsuaq qilanaaraara, tassami tikissimanngisaannarpara, inuusuttullu naapinnissaat isumassarsiffigilluassallugu isumalluarpunga. Torrassuuvoq inuusuttut naapinnissat, ilikkarnissaat aamma immitsinnut sunnersinnaanissamut periarfissatsialaavoq, inuusuttut naapinnissaannut qilanaaqaanga, Ingrid Thumen Norgemeersoq oqarpoq, nangillunilu:

- Kisianni nunat killii akimorlugit suleqatigiissinnaaneq nutaajuvoq uannullu soqutiginarluni, Ingrid Thumen oqarpoq.

Ingridip inuusuttoqatiminik pisinnaatitaaffiit pillugit , atoqatigiittarneq aamma inuusuttutullu piginnaanikillisimasutut inuuneq pillugu oqaloqateqarluarnissani, soorlu aamma kulturit nunallu assigiinngitsut akornanni misilittakkanik paasisaqarnissaq erinigaai. Tilioq tusagassiorfinnut nalunaaruteqarluni ilisimatitsivoq.

Politikkerit ataatsimeeqatigiserineqarsimasut

Danmarkimi inuusuttut innarluutillit kattuffiat (SUMH) Norgemilu inuusuttut pisinnaasakillisimasut suleqatigalugit Tilioq aaqqissuussisimavoq, inuusuttut innarluutillit attaveqaateqalernissaat Ssisimiunilu inuusuttunik innarluutilinnik misilittakkaminnik avitseqatigiittarnissaat siunertaralugu.

Inuusuttut avannaamiut novembarip aqqarnaniit 14-ianut naapeqatigiissapput. Inuusuttut 21-usut taakku innarluutillit pillugit isumaqatigiissut aaamma peqatigiiffilerinermik aaqqissuussisarneq innarluuteqarlunilu inuusuttuuneq sammineqassallutik. Ataatsimeeqatigiinneq novembarip 14-ani naggaserlugu inuusuttut oqariartuutissaminnik saqqummiussissapput.

- Aaqqissuisuniit Qeqqata Kommuniani borgmesteri, innarluuteqarnermut suliassaqarfimmi susassaqartut minnerunngitsumillu Meeqqanut, inuusuttunut ilaqutariinullu naalakkersuisoq qaaqquneqarput. Hotel Sømamut takkunnikkut aammali nittartakkakkut attaveqarfitsigut peqataasoqarsinnaassalluni, Tilioq tusagassiorfinnut nalunaaruteqarluni allappoq.

Inuusuttut politikkikkut oqalliseqataasassasut

Tiliumit peqataasut Kalaallit Nunaanni inuusuttunut allanut innarluutilinnut ataaveqaateqalernissamut kajumiissaarneqassapput. Tiliumimi isumaqartoqarpoq, innarluutillit politikkikkut oqaaseqartartoqarnissaq pisariaqartikkaat.

- Politikkikkut oqallinnerni inuusuttut isummersortarnissaat pisariaqarmat. Inuusuttut 21-t pisinnaatitaaffiit aamma aaqqissuisarneq pillugu sungiusarnermikkut ulluinnarni akimmiffigisartakkaminnut iliuuseqarnissamut kajumissaarneqassapput, aamma peqataatinneqartarnissamut ileqqoqartoqalernissaanut suliniaqataatillugit, soorlu aamma politikkikkut oqallinnerni oqalliseqataasalernissaat anguniarneqassalluni. Taamaasillutik najukkaminni, nunatsinni aamma nunani avannarlerni allannguinissamut suleqataanissaminnut piginnaasaqalerlutik, Tilioq allappoq.

Inuusuttut naapinissaat Arctic Indigenous Fundimit, Nordisk Kulturkontaktimit, Nordic Youth Pool-imit, NAPAmit aamma Nordisk Velfærdscenterimit aningaasaliiffigineqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER