Skip to main content

Tilioq suliffeqarfinnut attaveqaammik aallarniivoq

Qeqqata Kommuniani suliffeqarfiit arfinillit inunnik innarluutilinnik suliffeqarfimminni peqataatitsiumallutik atsiorsimapput.

Suliffeqarfinnut attaveqaat nutaaq aqqutigalugu inuit innarluutillit amerlanerusut suliffeqarnermut peqataatinneqalissapput. Inuit innarluutilli illersuisuata attaveqaat nutaaq taanna aallarnerpaa.

Qeqqatalu Kommuniani suliffeqarfiit arfiniliugallartut inunnik innarluutilinnik suliffeqarfimminni peqataatitsiumallutik atsiorsimapput.

Attaveqaammut taaguusiunneqarpoq Suleqataavunga, suliffeqarfiillu inunnik innarluutilinnik qanoq peqataatitsisinnaanerminnut tigussaasunik siunnersuuteqarsinnaanerminnut ilitsersuummik ilaatigut tunineqarsimallutik.

Suliffeqarfiit pineqartut ilagaat Sisimiuniittoq Arctic Star:

- Suliffeqarfiit inuiaqatigiinnut akisussaaqataapput. Tassa inooqataanikkut akisussaaqataallutik aamma sapinngisamik piginnaasatik nukissatillu atorlugit inunnik avatangiiserisaminnit peqataatitsinissaminnut, Sisimiuni Arctic Starimeersoq Henrik Sachse oqarpoq.

Suliffeqarfiit peqataasut

Qeqqata Kommunia, Arctic Circle Business, Thermo Elektrikeren, Sømandshjemmet Sisimiut, Arctic Star Aps kiisalu Tupilak Constructions. 

Attaveqaatip siammarterneqarsinnaanera neriuutigineqartoq

Innarluutillit illersuisuata Christina Johnsenip attaveqaammut tapersersuisoqarnera nuannaarutigaa, neriuutigalugulu attaveqaatip sineriammi sumiiffinnut amerlanerusunut siammarterneqarsinnaanissaa:

- Ilisimavarpullu suliffeqarfiit inunnik innarluutilinnik peqataatitsiumallutik annertuumik iliuuseqartareersut, neriuutigaarpullu suleqataavunga pillugu attaveqarfeqarneq sineriammut siammartersinnaajumaarlugu, Christina Johnsen oqarpoq.

Suliffeqarfinnut attaveqaateqarneq Innarluutillit illersuisuata Qeqqatalu Kommuniata suleqatigiinnerisigut ingertlateqqitaavoq, ilaatigut innarluutillit suliffeqarnerlu pillugit paasititsniaanermi atortunik ilitsersuutitalinnik ineriartortitsisoqarsimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER