Skip to main content

Tilioq meeqqanut atuakkamik saqqummersitsivoq

3. december tassaavoq Naalagaaffiit Peqatigiit inuit innarluutilinnut ullorititaa. Ulloq taanna eqqorlugu Tilioq atuakkiortoq Anette Hviid Thomsen suleqatigalugu, innarluuteqarneq pillugu meeqqanut atuakkamik saqqummersitsivoq.

”Rosap aqqalua innarluuteqarpoq”.

Meeqqanut atuakkiaq taama qulequtserneqarsimasoq, Tiliup atuakkiortoq Anette Hviid Thomsen suleqatigalugu ullumi saqqummersippaa. Ullumikkut ulloq tassaavoq Naalagaaffiit Peqatigiit inuit innarluutilinnut ullorititaa.

- Nuannaarutigeqaarput FN-ip inunnut innarluutilinnut ullorititaani meeqqanut atuakkiaq ”Rosap aqqalua innarluuteqarpoq” saqqummersissinnaagatsigut tassuunalu oqariartuut pingaarutilik saqqummiullugu, tassa tamatta inuttut assigiimmik naleqaratta, nuit innarluutillit illersuisuat Christina Johnsen, tusagassiorfinnut nalunaaruteqarluni oqarpoq.

Kikkut tamarmik ikinnguteqassapput

Kalaallit Nunaat Naalagaaffiit Peqatigiit inuit innarluutillit pillugit isumaqatigiissutaannik atuutitsinermigut imminut pisussaaffilerpoq innarluuteqarneq pillugu paasissutissiisassalluni taamatullu isummat pigiliutiinnakkat allanngortinniassallugit, inuiaqatigiinnilu inuit innarluutillit ataqqineqarnissaat sulissutigissallugu, nalunaarummi allassimavoq.

Meeqqanut atuakkiaq atorlugu Tiliup innuttaasuni nukarliit paasissutissiiffiginiarpai.

- Ajoraluartumik inunnut innarluutilinnut pigiliutiinnakkanik suli annertuumik isumaqartoqartarpoq. Meeqqat ammasumik isumaliortaaseqarput aamma ilikkartikkuminartuullutik, taamaammat isumaqarpugut pingaartuusoq ilinniartissallugit inuit assigiinngikkaluarlutik tamarmik assigiimmik naleqarmata, tamattalu ikinngummik pisariaqartitsisugut, Christina Johnsen oqarpoq.

Atuagaq pillugu

Tilioq ilisimatitsivoq atuakkami oqariartuuteqartoq kikkut tamarmik assigiimmik naleqartut, qanorluunniit ikkaluamik innarluuteqarpata, innarluuteqanngippataluunniit, aamma kikkut tamarmik ataqqineqarusunnerannik, akuerineqarusunnerannik ikinnguteqarusunnerannillu oqariartuuteqartoq.

Atuakkamut peqatigitillugu atuartitsinermi ilitsersuummik peqassaaq, meeqqat atuarfiini atuartitsissutigalugu oqaloqatigiissutigineqarsinnaaniassammat.

Atuagaq atuakkanik atorniartarfinnut meeqqallu atuarfiinut ukiumi nutaami agguaanneqassasoq, ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER