Skip to main content

Tikinnermi malittarisassat nutaat pillugit tusagassiortunik katersortitsineq

Ualimut ataatsimut Peqqissutsimut Naalakkersuisoq Nunatsinnilu Nakorsaaneq tikinnermi malittarisassanik allannguisimaneq pillugu tusagassiortunik katersortitsissapput.

Namminersorlutik Oqartussat tusagassiorfinnut naatsumik nalunaaruteqarlutik, tikinnermi malittarisassanik allannguisimaneq pillugu nalunaaruteqarniarlutik tusagassiortunik aggersaapput.

Peqqissutsimut Naalakkersuisoq Anna Wangenheim Nunatsinnilu Nakorsaaneq Henrik L. Hansen ualimut ataatsimut katersortitsinermi saqqummiussissapput.

Danmarkimi tuniluuttoqarnerata annertusiartornera pissutigalugu, Kalaallit Nunaannut tikinnermi malittarisassat sukaterneqarnissaannik Naalakkersuisut aalajangiisimanissaat matumani ilimanarpoq.

Sapaatip akunneratami siuliani Namminersorlutik Oqartussat Coronamut tunngatillugu sulisoqatigiivisa pisortaata Hans-Peder Barlach Christensenip oqaatigaa, nunamut tikittarneq pillugu nalunaarummik allannguinissaq eqqarsaatigineqartoq.

Coronamut tunngatillugu sulisoqatigiit pisortaat naapertorlugu, innuttaasut Kalaallit Nunaannut tikittut ulluni tallimani angerlarsimaannartarnissaannik piumasaqaatip atuutsinneqaqqilernissaa eqqarsaatigineqarpoq.

- Ullut tallimat qaangiunneranni misissorteqqikkusunngikkaanni, ulluni 14-ini nammineq piumassutsimik angerlarsimaannartoqartassaaq, Hans-Peder Barlach Christensen sapaatip akunnerani kingullermi Sermitsiaq.AG-mut taamatut oqarpoq.

Sermitsiaq.AG ullumi tusagassiortunik katersortitsinermut soorunami peqataassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER