Piniarneq

Tikaagullittassiissutit qipoqqartassiissutillu sinneruttut ammaanneqarput

Katillugu tikaagullittassat sinneruttut 53-iupput qipoqqartassallu quliullutik

Kalaallit Nunaata Kitaani tikaagulliit qamutilimmik tuukkartalimmik pisassat 36-it, qoorortoorsornermilu pisassat 12-it kiisalu Kalaallit Nunaata Kangiani tikaagulliit qoorortoorsorluni pisassaq tallimat 22. november 2017-imi suli pisarineqarsimanngillat. Kitaani qipoqqartassiissutit 10-t sinnerupput. Aalisarnermut pinianermut naalakkersuisoqarfik taama nalunaaruteqarpoq.

Pisassiissutigineqartut tamakkerneqarnissaat qulakkeerniarlugu, Aalisarnermut Piniarnermullu Naalakkersuisoq aalajangiivoq 23. november 2017-imiit atuuttumik tikaagulliit pisassiissutigineqartunit sinneruttut 48-it Kalaallit Nunaata kitaani kommunit sisamaasuni ammaanneqassasut tikaagullillu 5 Kalaallit Nunaata Kangiani aqutsiveqarfinnut marlunnut ammaanneqassallutik. Aammattaaq qipoqqaat sinneruttut qulit 23. novemberimiit Kalaallit Nunaata kitaani kommunit sisamaasuni ammaanneqarput.

Angallatit qamutilillit taamatullu ataatsimoorluni piniarnermut peqataasut tikaagullinniarnermik aamma qipoqqarniarnermik ilisimasaqarluartut nalunaarutini kinguliiniittuni piumasaqaatit malillugit tikaagullinniarnermi 1. martsimiit 30. novembarimut qipoqqarniarnermilu 1. januarimiit 31. decemberimut piniarsinnaapput.

Piniarneq siulersortimik akuersissummik pigisaqartumik aqunneqassaaq, taassumalu aamma akisussaaffigaa pisap kommunimut najugaqarfigisamut ingerlaannartumik nalunaarutigineqarnissaa.

Powered by Labrador CMS