Skip to main content

TIG: Politikkerit umiatsiarsiutissaminnik aningaasanik pissarsisimanerat ajornartorsiutaavoq

Transparency International Greenlandimi (TIG) siulittaasup tullia isumaqarpoq, politikkerit susassaqarfimmut tunngatillugu inatsisiliortuusut, inatsit pineqartoq aqqutigalugu aningaasanik qinnuteqarnissamut imminnut ajornannginnerulersitsillutillu pitsaanerusumik atugassaqartinneqartarnerat ajornartorsiutaasoq.

Siumumi aalisarnermut tunngatillugu politikkerit nuimasut pingasut angallatinik pisiaqarnissamut 800.000 koruunit missaannik tapiissutisimanerat saqqummiunneqarmat, Transparency International Greenland maanna pisimasumut oqaaseqarpoq.

- Politikkeritut inatsisiliorluni tapiissutisinissamut imminnut ajornannginnerulersitsisarneq ajornartorsiutaavoq, siulittaasup tullia Anita Hoffer Sermitsiaq.AG-mut oqarpoq.

Politikkerit taakku pingasut aviisimut Sermitsiamut oqaatigisimavaat, aalisartut allat assigalugit tapiissutisinissamik qinnuteqaannarsimallutik.

Tapiissutisinissamut inatsit 2006-imili akuersissutigineqarami arlaleriarluni allanngortinneqarsimavoq.

2009-mi kinguppanniarnissamuunngitsoq allanilli aalisarnissamut tapiissutisinissamut procentip annertussusaa 20 procentimiit 40 procentimut qaffanneqarsimavoq.

2011-mi inatsit allanngortinneqarpoq, angallat sillimmaserneqarsimanngikkaluartorluunniit isaterinissamut tapiissutinut atatillugu angallatip nalinga aalajangersarneqarsinnaanngorlugu.

2015-imi isaterinissamut tapiissutisissagaanni malittarisassat allanngortinneqarput, taamaalilluni aalisarsinnaanermut akuersissut pigiinnarneqarsinnaalerluni aamma angallammik isaterinissamut tapiissutisereersimagaluarluni inuussutissarsiummik ingerlatsiinnartoqarsinnaalerluni.

Pissarsiffik: Inatsisartut

Politikkerit sullikkuminaatsut

IA isumaqarpoq, politikkerit qinnuteqartoqarnerani salliutinneqarsinnaanerat aarlerinarsinnaasoq. Taamaattoqassappallu pissaanermik atornerluisoqarlunilu assigiinngissitsisoqassassaaq, politkkerilli pineqartut naapertorlugit inatsimmik malinniinnartoqarsimavoq.

TIG-mi siulittaasup tullia Anita Hoffer aamma taamatut isumaqarpoq, tassa inatsisip suliarineqarneranut sunniuteqarsimannginnamik. Siulittaasup tulliata aamma oqaatigaa, politikkerit allaffeqarfimmi tapiissutinik aqutsisarfiusumi suliaartarnerat unammillernartuusoq.

- Sulisut ataasiakkaat sullissiniarneranni ajornartorsiortilersinnaavaat, taanna oqarpoq.

Maligassiuisussaasut

Siulittaasup tullia tamatuma saniatigut isumaqarpoq, politikkerit Namminersorlutik Oqartussat ooriutaannik aqutsinissamut tapersersuinissamullu immikkut akisussaaffeqartut.

- Isumaqarpunga eqqarsarluaqqaartassasut maligassiuisassasullu. Imaassinnaavoq malittarisassalioqataasimanngitsut, taamaakkaluarpalluunniit innuttaasunut maligassiuisuusussaapput, Anita Hoffer oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER