Thinghuus: Taarsigassarsigasuartitsisanngilagut

Royal Greenlandimi pisortaaneq Mikael Thinghuus oqarpoq, aalisakkerivik umiatsiaararsorlutik aalisartunut ernialipilussuarnik taarsigassarsisitsineq ajortoq

Jens Napaattoq Partii Naleqqameesoq tassavoq Sermitsiaq.AG-mut oqartoq, Polar Seafood aamma Royal Greenland umiatsiaararsorlutik aalisartunut erniatigut iluanaarniarfigalugit taarsigassarsisitsigasuartartut.

- Taarsigassarsiat tunniussatta erniaat aningaaserivimmi taarsigassarsianut ernialiunneqartartut annertoqqatigiinnarpaat, Mikael Thinghuus Sermitsiaq.AG-mut erseqqissaavoq. Royal Greenlandimi pisortaanerup paasisinnaanngilluinnarpaa Jens Napaattuup taarsigassarsisitsigasuartarneq pillugu ilisimasani suminngaanniit pissarsiarisimanerai.

Assersuusiorit

- Oqaaserisaminut assigusinnaasumik sumilluunniit assersuutissaqarpat tusarusuppara, Mikael Thinghuus kaammattuivoq.

Powered by Labrador CMS