Teriannissat perlerortut Kujataani ajornartorsiutigineqartut

Teriannissat pamiui 200 koruuninit 300 koruuninut Kommune Kujallermi qaffaavigineqarput.

Akinillu qaffaareernermit maannamut teriannissat pamiui katillugit 223-t Kommune Kujallermut tunineqarsimapput, KNR taama allappoq.

Atuaruk: Qimmit qitsuillu akiuussuserneqassapput

Savaaqqanut naleqartut
Kangerluanili savaatilik, Aka Motzfeldt, teriannissanik ajornartorsiuteqarneq pissutigalugu akit qaffasinnerusinnaagaluartut isumaqarpoq.

- Teriannissat savaaqqanut upernaakkut naleqartaqaat. kisianni ajunngilaq 300-mut inisseqqikkamikku, 200-mut apparmassuk piniarpiarunnaarnikuunnguatsiaraluaramikkit, amerlatsipiloorujussuunguatsiaramik taamasillutik, Aka Motzfeldt KNR-imut oqarpoq.

Teriannissat pamiui Kommune Kujallermit pisiarineqareeraangata perlerornerat peqqutigalugu ingerlaannaq ikuallanneqartarput.

Ilanngutassiaq uani takuuk