pisortat nikinnerat
Telep pisortartaavata akit appasinnerit nioqqutillu pisariinnerit aallunniarpai
Nioqqutit pisariitsuussapput sullitattalu oqarasuaatikkut oqalunnerup internettillu akikinnerulernerat misigissavaat. Tele-Postip pisortartaava Kristian Reinert Davidsen taama oqarpoq
Tele-Postimi pisortat ukiut nikinneranni nikissapput. Savalimmiormiup Kristian Reinert Davidsenip Søren Lennert Mortensen pisortaanertut taarsissavaa. Kristian Reinert Davidsen Føroya Telemi pisortatut atorfimmit nuuppoq, tassanilu sullitanut iluaqutaasunik angusaqartarsimalluni.
- Føroya Telemi suleriaatsinik pisariillisaanissaq, attaveqaatit nutarsarnissaat kiisalu sullitanut akinik appasinnerusunik pissarsinissaat siunertaralugu aaqqissuussinerup eqaallisarnissaa aallussimavara, tamannalu iluatsippoq.
Ingammillu ukiuni kingullerni sisamani oqarasuaatinut internettimullu akit malunnartumik appasinnerulerput. Atuisullu iluarisimaarinninnerannik misissuinerup takutippaa, Savalimmiuni atuisut ukiut sisamat matuma siornamut sanilliullugu ullumikkut sullissineq iluarisimaarnerulersimagaat, Kristian Reinert Davidsen oqarpoq.
Namminersortunngorsaaneq akinik appasinnernik kinguneqartoq
Savalimmiuni nalunaarasuartaateqarnikkut sullissineq ukiut 14-it matuma siorna unammillerfiusumik ingerlanneqalerpoq, ullumikkullu suliffeqarfiit marluk suliaqarfimmi unammilleqatigiillutik: Føroya Tele aamma Vodafone.Tamanna atuisunut iluaqutaasimavoq.
Telep pisortartaava atorfimminut ivertinneqaruni sunik pilersaaruteqarnersoq Sermitsiami normu 34-mi uani atuaruk: