Skip to main content

Telep akigititaminik appaarujussuarnini nalunaarutigaa

Siunissami USA-miit nunatsinnut, Canada-mut aammalu EU-mi nunanut sianerneq 1,79 koruuneqalissaaq. Aki siornatigut 7 kronit missaanniissimavoq, sms-imillu ataatsimik nassiussineq 2,50 koruunit missaanniit 60 ørenut appassalluni

Tele-Postip amerikkarmiut nalunaarasuartaateqarnermik ingerlatsiviannik AT&T-mik suleqatigiinnissamik isumaqatigiissusiorpoq, matsillu aallaqqaataaniit GSM mobililinnut USA-miitilluni, Puerto Rico-miitilluni aamma US Virgin Islands-iniitilluni nunat taakku nalunaarasuartaataasa atornerinut aki annertoqisumik appartillugu. 

Ukioq manna Alaskami Fairbanks-imi Arctic Winter Games-imut peqataasut taamaalillutik roaming-imut akit nutaat iluaqutigilluassavaat.

Akit apparujussuarput
Paasissutissanut MB-mik ataatsimik atuilluni aallernermut aki 95 prcenterujussuarnik apparpoq, tassa atuisut AT&T atorsimagunikku 70 koruunit missaanninngaanniit 3,35 koruuninut appaavigineqaramik. USA-mi nalunaarasuartaateqarnermik ingerlatsiviit allat akigititaat allanngoraqaat qaffasinneroqalutillu.

Siunissami USA-miit Nunatsinnut, Canada-mut aammalu EU-mi nunanut sianerneq 1,79 koruuneqalissaaq. Aki siornatigut 7 koruunit missaanniissimavoq, sms-imillu ataatsimik nassiussineq 2,50 koruunit missaanniit 60 ørenut appassalluni.

USA-miitilluni sianertumik tigusineq 2,89 koruuniniit minutsimut 52 ørenut appassaaq.

Atuisunik Sullissivimmi pisortaq Per Svendsen tusagassiutinut nalunaarummi oqarpoq:

- Europap avannaani nunani arlalinni roaming-imut akit appasissut januarimi atuutsilerpagut. Akinik appartitsinissat atuisutsinnit Tele-Postimiillu angisuumik kissaataasimavoq. Maannalu USA-mi AT&T-imik isumaqatigiissusiorpugut. Maannalu nuannaarutigalugu Europami akit assigalugit akit uku nutaat saqqummiussinnaalerpagut. 

Tele-Postip AT&T suleqatigiinnissamik kisiat isumaqatigiissuteqarfigigaa, USA-mi angalatillutit maluginiassavat.  

Tele-Postip aammattaaq qallunaat sullissisut tamaasa roaming-imik akikillisaanermik isumaqatigiissuteqarfigai, taakkulu tassaapput, Telia aamma Telenor Sverige-miittoq, Telenor aamma Netcom Norgemiittut, Telia Sonera Finland-imiittoq, EMT Estland-imiittoq, LMT Letlandimiittoq aammalu Omnitel Litauenmiittoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER