Tele-Post
Telemut akiligassat suli nassiunneqanngitsut
Tele-Post-ip akiligassissutai juulimili nassiunneqanngillat. Sullissinerup pitsaanerulernissaa pisortap neriorsuutigaa
Aasaanerani aningaasaateqarnerunerit immaqa maluginiarsimassavat.
Imaassinnaavormi Tele-Postimut akiligassatit suli nassiunneqarsimanngimmata juulimili. Suliffeqarfiup sullissinerminut pitsanngorsaaneranut atatillugu tamanna kukkuneq pilerpoq.
Akileeqqusissutit sivitsorneqarput
Akiligassiissutit nassiunneqangajalersut Tele-Postimi pisortaagallartup Søren Lennert Mortensenip oqaatigaa.
Akileeqqusinermut atatillugu arlaannik kinguneqartitsisoqassava?
- Akiliinissamut piffissarititaasut soorunami sivitsorneqarput, tassa juulip aallaqqaataani akiligassaagaluit oktobarip aallaqqaataani akilereerneqarsimasussanngortinneqarlutik, Søren Lennert Mortensen Sermitsiaq.AG-mut oqarpoq.
Ajornartorsiut qanoq sivisutigissanersoq naatsorsorneqarpa?
- Tullissaanut akiligassaasut pisarnermisut ingerlanneqassapput.
Suliffeqarfiup sullissinermut pitsanngorsaanera 700 million koruuneqarpoq. Atuisunut sullissinermut pitsanngorsaanermi 50 million koruunit atorneqarput.