Tele-Post: Satelitsikkut attaveqaateqarneq tamakkiisumik ukkatarineqassaaq

Tele-Post ajornerpaamik pisoqariataarnissaanut piareersarpoq, neriuutigaali coronap nunuarsuarmi tamarmi tuniluunnerani, nunatsinni inuiaqatigiinnut aamma sunniuteqarsimaqisup atuunnerani kikkut tamarmik ajurnnginnerpaamik ingerlassasut.

Coronap nunarsuarmi tuniluunnerani nalorninartorsiorneq Namminersorlutik Oqartussat ingerlatseqatigiiffiutaannut Tele-Postimut aamma sunniuteqarsimavoq, pisortaaneq Kristian Reinert Davidsen 2020 pillugu killiffissioqquneqarami aamma 2021-mi takorluukkanik oqaaseqaqquneqarami Sermitsiaq.AG-mut taamatut oqarpoq.

- Aningaasaqarnermut sunniutai ingerlatseqatigiiffimmut pitsaasuusimallutillu ajorsimapput, 2021-mullu naatsorsuutivut ataatsimut isigalugit pitsaasuupput, soorunami coronap tunniussassavut suli sunnersinnaavaat, maannakkutullu inissisimanitsinni telemi attaveqaatitsinnik qulakkeerinninniarluta annertusaaniarlutalu imikkut ilisimasalinnik sulisunillu teknikkimut tunngatillugu immikkut ilisimasalinnik tikisitsiniarneq ajornarnerujussuuvoq, pisortaaneq timmisartut aallartartut ikisimanerat pissutigalugu allakkanik isumaginninniarnerut aamma eqqugaasimaneranik ilisimatitsissuteqartoq oqarpoq.

- Suliffeqarfittut attaveqaatit pingaaruteqarluinnartut ajornerpaamik pisoqarsinnaaneranut isumannaarniarlugit pisareersarpugut, neriuutigaarpullu kikkunnut tamanut pitsaanerpaamik ingerlatsiumaarluta, savalimmiormioq Nuummiit Qeqertarsuup Tunuanut immap naqqatigut kabeliliiniarnermi annertunerpaat ilaannik aningaasaliissuteqarluni suliniummik annertuumik aallartitsisimasoq oqarpoq.

Satellitsikkut attaveqaatit qitiutinneqassasut

Kristian Reinert Davidsen suliniutit sullitaannut allassuisimasut uku taagorpai:

- Ukiuni kingullerni attaveqaatinik annertusaasimavugut, 4G-p atuutsinneqalernissaa qulakkeersimavarput aamma flatrate Tusass Internet innuttaasut 92- procentiinit atugaalersimavoq akigititarlu upernaaq 25 procentimik apparsimavarput.

- Maannalu satellitsikkut attaveqaateqarfinni najugaqarfiit pitsaanerusumik attaveqartarnissaat qulakkeerniarlugu ukkatarivarput, pisortaq Tasiilami innuttaasut satellitsikkut attaveqaatit pitsaanerulersinneqarnerisigut ukiumi nutaami tunisassiamik nutaamik saqqummiussiffigineqarnissaannik naatsorsuuteqartoq oqaluttuarpoq.

Ittoqqortoormiini sakkortusaavissaq nutaaq suliassat annerit ilagisaat telep ukiumi nutaami isumagisussaavaa.

Atugassarititaasut sakkortuut

Kristian Reinert Davidsenip ”issittumi silarluttaqisumi sakkortuumik atugaqaraluarluta nunamut tamarmut ullut tamaasa attaveqaateqartitsisarnerput” immuullarissuunerarpaa.

- Tamanna tulluussimaarutigaarput, Kalaalillu Nunaanni siunissami taamatut attaveqaateqartisisarnissarput tamanullu digitalikkut periarfissanik nutaanik ammaasarnissarput sulissutigilluarniarparput, taanna oqarpoq.

Powered by Labrador CMS