Skip to main content

Tele-Postip attaveerunneranik Qeqertarsuup Tunua tamarmi eqqorneqartoq

Kujataani Kangaatsiamiit avannaani Uummannamut illoqarfiit nunaqarfiillu marlunngormat ualikkut elektroniskitigut avammut attaveerupput, sumiiffimmi Tele-Postimi innaallagissap qamittoornera pissutigalugu

Marlunngormat ualikkut Kangaatsiami innaallagiaq qamittoorpoq.

Tamanna akunnerni arlalinni illoqarfinnut nunaqarfinnullu, Kangaatsiamit Uummannamut radiokut sakkortusaavimmik attavilinnut, annertuumik kinguneqarpoq.

Tamaani najugallit internettimut, KNR TV-mut, radiomut, telefoninut aalajangersimasumik attavilinnut mobilinullu attaveerupput.

Helikopterimik aallartitsisoqarpoq

Teknikerit Tele-Postimeersut marlunngormat ualikkut Kangerlussuarmit helikopterimik tikipput radio-kullu sakkortusaavik ajornartoornermi generatorimik pilerlugu. Maannalu tamaanimiut attaveqaqqilerput.

– Ajoraluartumik innaallagissap qamittoortarnera aqussinnaanngilarput, misissulerparpulli qanoq isilluta siunissami taamaattut pinngitsoorsinnaanerivut, teknikkikkut ingerlatsinermi pisorttaq Kim H. Zinck nassuiaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER